Hipoteken zerga bankuei ordainaraziko dien dekretua iragarri du Espainiako Gobernuak

  • Espainiako Auzitegi Gorenak bigarren itzulian erabaki ondoren herritarrek ordaindu behar dutela hipoteken zerga, ezohiko prentsaurrekoa eman du Pedro Sánchez Espainiako presidenteak: dekretua aterako du Gobernuak, hipoteken zerga bankuek ordaindu dezaten. Sánchezek esan du espero duela bankuek bere gain hartu beharko duten kostuak ez diezaiela gero bezeroei eragin.

ARGIA @argia
2018ko azaroaren 07a

Bitartekari independentea

Dekretuak ez du atzeraeraginezko efekturik izango eta Espainiako Kongresuak berretsi beharko du orain. Horrez gain, beste neurri bat ere iragarri du, Kongresuaren oniritzia beharko duena: bezeroak babesteko organismo independente bat sortzea. Organismo horrek “herritarrak gehiago babestuko ditu abusuen aurrean eta gatazkak konpontzeko erraztasunak jarriko ditu”.

Sánchezek "espero eta uste" du zerga ordaintzeak eragingo dien kostua ez dutela bankuek gero bezeroengan zamatuko. "Merkatu hipotekarioa lehiakorra da eta eskaintza nahikoa dago". Aldi berean, erantzukizuna eskatu dio finantza sektoreari.

Gorenari oharra

Azken bi asteotan gertatu denari buruzko “autokritika eta gogoeta” ere eskatu dizkio presidenteak Auzitegi Gorenari. “Merkatu finantzario osoa eta herritar gehienak zain izan dituzte”, gaineratu du.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hipoteken zerga  |  Ekonomia

Hipoteken zerga kanaletik interesatuko zaizu...
2018-11-07 | ARGIA
Hipoteken zergak herritarrek pagatu beharko dituzte: zer eragin du erabakiak Hego Euskal Herrian?

Espainiako Auzitegi Gorenak epai polemikoa eman du hipoteken zergen inguruan: hasieran zera hori bankuek ordaindu behar zutela ebatzi ondoren, atzera egin du eta astearte honetan erabaki du herritarrek ordaindu beharko dutela. Nola eragingo du neurriak Hego Euskal Herrian?


Azkenak
EGILEA
Eguneraketa berriak daude