Herrien frantsesezko izenak ezabatu dituzte dozenaka seinaletatik
Espraiarekin estali dituzte Ipar Euskal Herrian gutxienez 25 frantsesezko izendapen panel. Uztailaren 10ean hasi zuten ekintza, eta U14 kolektiboak egiletza aldarrikatu du. Bihar manifestazioa deitua dute Donibane Lohizunen.
Iaz euskarazko panelak frantsesezkoen gainetik jarri zituzten, euskara lehenesteko ekintza sinboliko gisa. Aurten, Ipar Euskal Herriko hainbat herrien frantsesezko izenak ezabatu dituzte, espraiaren bidez. U14 kolektiboak uztailaren 11ean sare sozialetan hedatutako bideo baten bidez jakinarazi du bere dela egilea.
Ekintza frantziar Estatuaren festa nazionalaren astean egin dute, “asimilazioaren aitzinean antolatzeko”. Frantsesezko izenak ezabatzeaz gain, “independentzia eta sozialismoa” aldarrikatzen duen murala ere osatu dute.
Ostiralerako manifestaziora deia
Uztailak 14 festa eguna baino “Euskal Herrian borroka eguna” dela adierazi dute, eta mobilizaziora deitu dituzte herritarrak. Ostiralean 18:00etan Donibane Lohizuneko Didier Lafitte plazatik aterako dira (ofizialki Louis XIV plaza) Borrokaz aska dezagun herria! lelopean.
Herribiltza kolektiboak oharra bidali du hedabideetara, esanez, bat egiten duela U14 kolektiboak euskararen alde burutu duen ekintzarekin eta dei egiten du Frantziar eta Espainiar Estatuak Euskal Herriaren zapaltzaileak direla salatzeko bihar Donibane Lohizunen eginen den manifestaldian parte hartzera.
Berriz ere, euskararen aferak hartu ditu azkenaldian lerroburuetako batzuk. Epaitegi batek euskararen eskakizuna zuen lanpostu baten baldintzen kontra deliberatu duela. Inkesta soziolinguistiko batek esanguratsuak diren datuak eman omen dituela. Lapurdi, Baxenafarroa eta... [+]
Belgikaren argudioa indargabetu egin du Europako Batasuneko Justizia Auzitegiak, eta beraz, buruzagi independentistak Espainiaratzeko Goreneko epaileak eginiko eskariak atzera ere balioa hartu du. Hala ere, Espainiako Justiziak "gabezia sistemikoak" dituela dio... [+]
Eguneroko ariketa inkontzientea gai bilakatu da Euskal Herriko egonaldian. Ez daramazkit egun asko eta jada arnasa estutu zait behin baino gehiagotan... Begirale moduan nabil ene herria bilatu eta berrezagutu nahian. Lehen ez ote nituen gauzak ikusi nahi edo atzerapauso galanta... [+]
Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]