Hautuak, afixak eta puzzleak
Galdetu nahiko nizuke zenbat aldiz ireki duzun liburu bat, idazlea ezagutu gabe, azalak, kontrazalak edo beste zerbaitek erakarrita. Gogoratuko duzu barruan aurkitu zenuena, ala ez. Gustatuko zitzaizun agian, bukaeraraino engantxatu. Idazlearen lan gehiago bilatzera eraman. Ala ez. Berdin dit. Berdin dit, batez ere, interesatzen zaidana, hain justu, ezezagunari aukera bat emateko hautua bera delako. Ordeztu nahiko nuke liburuaren azala kontzertu baten afixagatik eta berriro galdera egin: zenbat aldiz joan zara kontzertu bat ikustera taldea ezagutu gabe?
Galdera erantzunda neure kalkuluak konpentsatzeko edo, bezperan sare sozialetan afixa ikusi, Zarautzen bizi den lagun bati proposamena luzatu eta abiatu naiz autoz bertarantz. Ia ordubeteko bidaia daukat aurretik. Kontrazala irakurtzearen pareko, taldearen diskografia jarri dut bidean lagun egiteko.
Ostegun udaberritu giroa dago Arrano tabernan, jende dexente kanpoan, pizza zatiak eta zuritoak eskuan. Barruan, dena prest Dishesen kontzertua hasteko. Googlek kontatu didanez, Amsterdam eta Leiden artean sortutako taldea da eta Euskal Herrian sei kontzertuko jira egingo dute. Gaurkoa bigarrena.
Koska batek markatzen duen eszenatoki inprobisatu bezain txikian eman diote hasiera kontzertuari, atea paperez estalita daukan garagardoz betetako hozkailu handi baten eta sukaldeko atearen artean, barratik metro eskasera. "Pixka bat behartuz gero, beti enkajatzen du puzzleak", pentsatu dut.
Ezagutu gabe ezagun zaidan punk rock melodikoa da. Bateriaren presentzia nabarmenarekin eta riff itsaskorrekin, gorputza inkontzienteki mugiarazten dizun punk rock hori. Abeslariaren ahotsak eta egoteko moduak egiten du, agian, taldea berezi. Ez dago ahots urraturik, oihurik, frontwoman oldarkorrik, xamurtasun indartsu bat baizik; zaurgarritasun tinkoz Palestinari, Europako muga hiltzaileei edo feminismoari abesten diena.
Azken abestietarako sartuta gaude zuzenekoan, eta amaitzeko, sorpresa eder bat eman eta Kashbaden bertsio bat jo dute. Harrapatu gaituzte. Bertsioarekin bukatutzat eman dute, baina “another one!” dio publikoak. Ez dutela beste abestirik, abeslariak, esker keinuz. “Berdin da! Repet! Repet!”. Konbentzitu dituzte eta hasi dira jotzen. Ekin orduko publikoko lauzpabost konplizeren artean altxa dute abeslaria. Beso artean etzanda, mikroa eskuan, irribarre zabala ikusten zaio, halatsu gainontzeko musikariak eta jendea ere. Orain bai, bukatu da. “Thanks for being here”.
Autoan Kashbad jarrita egin dut etxerako bidea. Nire diruarekin erosi nuen lehen diskoa dela gogoratu naiz, eta denbora dexente zela entzuten ez nuela. Baliteke ezezagunak ezagun den horretara eramatea beti. Ala ez. Berdin dio. Underground kulturaren puzzleak, piezak enkajatzeko lana hartzea bezainbeste behar baitu puzzlearen parte izan nahi duten piezak bertaratzea.
Kursaal Eszena
Non: Donostiako Kursaal Jauregian
Noiz: 2025eko urri eta abendu artean
----------------------------------------------------------------------------------
Uda azkar pasatu zaigu, oraindik buruan ditugu Musika Hamabostaldian gozatu ditugun kontzertu zoragarrien... [+]
EMPTY FILES + MOXAL & MIREN NARBAIZA
Non: Bilboko Kafe Antzokian
Noiz: irailaren 12an.
-------------------------------------------------------
Aitortu behar dut nahi baino gutxiagotan joaten naizela Bilbora. Beti sortzen dit horrelako tristura moduko bat, orduko... [+]
Aldundiak aurtengo Gipuzkoako Urrezko Domina emango dio abenduan Lourdes Iriondo Mujikari (Donostia, 1937-Urnieta, 2005) bere heriotzaren 20. urteurrenean. Aintzatespen horrekin, euskaren biziberritzean eta euskal kulturaren suspertzean Iriondok egindako “lan mamitsu eta... [+]
Etxea
Nhil
Autoekoizpena, 2025
------------------------------------------------------------
Etxea du izena Nhil taldearen hirugarren diskoak. Taldekideek azaldu dutenez, “etxea” baita taldea haientzat, eta entzulearentzat ere hala izatea nahi dute. Zazpi... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
RTVE irrati-telebista kate espainiarreko Administrazio Kontseiluak astearte honetan onartu du erabakia. Jaialdiaren antolaketan pisu handia duen “Big Five” deituriko herrialdeen artean, Espainia da lehena iragarri duena Eurovision utziko duela Israelek parte hartuz... [+]
Badut lagun bat pop-aren bueltan Euskal Herrian emakume eta gazteek martxan jartzen dituzten proiektu berriei erreparatzen diona. Hark ezagutarazi dit onomatopeiadun talde bizkaitar hau. Hiruzpalau kantu sarean, eta uda ostean lan luzeago bat kaleratzeko asmoa.
KAK! taldea... [+]
Guztiok entzun nahi dugu musika: asko, merke, euskaraz eta gaizki sentitu gabe. Baina Spotify utziko badugu Israelen konplize izateagatik, agian beste enpresa eta tresnen inguruan ere hausnartu beharko dugu. Edo gure morala kontratatzen ditugun zerbitzuen arabera neurtzen hasiko... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Les Concert des nations, La Capella nacional de Catalunya orkestra sinfonikoa
Zuzendaria: Jordi Savall
Abesbatzen prestaketa: Lluís vilamajó
Egitaraua: Mendelssohnen lanak
Non: Kursaal auditorioan (Donostiako Musika Hamabostaldia)
Noiz: abuztuaren... [+]
Fitxa: Musika Hamabostaldia. Kursaal Zikloa. Gewandhausorchester Leipzig.
Zuzendaria: Andris Nelsons. Donostiako Orfeoia.
Koru zuzendaria: Esteban Urzelai.
Bakarlariak: Julia Kleiter (sopranoa), Christian Gerhaher (baritonoa).
Egitaraua: Mendelssohn eta Brahmsen lanak.
Fitxa: Musika Hamabostaldia. Gewandhausorchester Leipzig.
Zuzendaria: Andris Nelsons.
Bakarlaria: Isabelle Faust (biolina).
Egitaraua: Pärt, Dvorak eta Sibeliusen lanak.
Lekua: Kursaal Auditorioa.
Data: abuztuaren... [+]
Bilboko Udalak ostegunean adierazi du Abandoibarrako kontzertua bertan behera geratu eta gero, Plaza Biribileko agertokia eskaini ziela hiru artistei, baina ezezkoa eman zutela. Abeslariek bertsio hori ukatu eta zehaztu dute: bakarrik Kai Nakari eskaini zioten.
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Fitxa: Musika Hamabostaldia. Kursaal Zikloa. Le Concert des Nations. La capella Nacional de Catalunya.
Zuzendaria: Jordi Savall.
Abesbatzaren prestaketa: Lluís Vilamajó.
Egitaraua: Mendelssohnen lanak.
Lekua: Kursaal Auditorioa.
Data: abuztuaren... [+]