Hilabetero bezala, Hizkuntza Eskubideen Behatokiak abenduko eskubideen urraketak, zoriontzeak eta lorpenak bildu ditu. Urraketak dira gehienak, enpresa pribatuetatik zein erakunde publikoetatik etorriak: besteak beste, osasun zentroetan euskara zerbitzurik ez bermatzea edota EAEko eta Nafarroako administrazio publikoak informazioa gaztelania hutsean helaraztea.
Besteak beste, herritarrek Behatokiari helarazi diote Tolosako Asunción klinikan ez dela euskarazko osasun arreta behar bezala bermatzen; Barakaldoko San Bizente osasun zentroan “si no me hablas en castellano, no te voy a atender” erantzun diotela erabiltzaile bati; Gasteizko Boulevard merkataritza-guneko sare sozialetatik ia mezu guztiak gaztelania hutsean zabaltzen direla; edota Nafarroako Bertsolari Txapelketan, Nafarroa Arenan, taberna eta segurtasun-zerbitzuetan ezin zela euskarazko arretarik jaso.
Bestalde, EAEko hezkuntza sailburuordeak eskainitako bilera informatiboa gaztelania hutsean izan zela salatu dute; edota Nafarroan Gizarte Segurantzak euskara ofiziala den herrietara ere gutunak gaztelania hutsean bidali dituela.
Behatokiak jaso ditu, halaber, herritarren esker onak zenbait enpresari, euskaraz zerbitzua emateagatik: hala nola, Iztueta esnekiei, bere eslogana euskaraz ezartzeagatik; edota Doneztebeko Santa Maria jatetxeari, euskaraz artatzeagatik.
Zubilan enpresa publikoak gaztelania hutsean egindako lan deialdia zuzentzea lortu dute abenduan, gainera.
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.
Leringo hainbat gurasok herriko eskola publikoan D lerroa irekitzeko eskatu zuten iaz, baina nahiz eta legeak markatutako gutxiengo eskari kopurua gainditu, gurasoek ez dute aukera hori izango, Nafarroako Gobernuaren iritziz “Leringo eskolak ez duelako espaziorik D eredua... [+]
Kepa Ordoki - Memoria Historikoa Bidasoan elkarteak salatu du antolakuntzatik esan zietela hitzaldian gazteleraz hitz egin beharko zutela, "arrazoi politikoengatik". Hizkuntz Eskubideen Behatokiak "oso larritzat" jo du gertatutakoa.
Hizkuntza eskubideak ohi baino gehiagotan agertu dira titularretan azkenaldian, berri onik iragarri ez badute ere. Epaitegiek atzera bota dituzte hizkuntza eskakizunak herritarren zerbitzurako hainbat lanpostutan. Hizkuntza Eskubideen Behatokiko zuzendari Agurne Gaubeka... [+]
Hizkuntza-Eskubideen Behatokiak salatu du zerbitzu publikoak euskaraz jaso ahal izatea oinarrizko eskubide kolektiboa dela, eta larritzat jo du EAEko Auzitegi Nagusiak galarazi izana Barakaldoko Udalak zerbitzu publikoetako euskara eskatzea. Bestalde, Barakaldoko Sasiburu... [+]