Nazioarteko albiste agentziek zabaldu dutenez, poliziaren eta Gobernuaren iturriek astelehenean baieztatu dute orain Idomenin dauden 8.400 lagun inguru beste kanpaleku batzuetara bidaliko dituztela. Kokalekurik zehaztu ez duten arren, duela gutxi antolatu dituzten guneetara eramango dituzte agintarien arabera.

Giorgios Kyritsis Greziako Gobernuko bozeramailearen arabera, datozen bi egunetan hasiko da operazioa.

6.000 lagunentzat dago lekua kanpaleku berrietan Kyritsisek azaldu duenez eta plaza gehiago prest izango dira laster.

Istiluetarako ekipatutako polizia unitateak bidali dituzte astelehenean Greziako hainbat lekutatik Idomenira.