EAJ irabazle izan da Gipuzkoako herririk jendetsuenetan. Donostia garaile argia izan da gainerako alderdi politikoei alde handia aterata (bigarren indarrak, EH BIlduk, baino 13.000 boz gehiago). Irun, Eibar, Arrasate, Zarautz eta Hondarribian ere jeltzaileak izan dira nagusi. Orereta, Hernani, Bergara edo Azpeitian, esaterako, EH Bilduk eskuratu du boz gehien. 17.000 bat boz galdu ditu Arnaldo Otegiren eta Maddalen Iriarteren zerrendak Gipuzkoan. Tarte txikida dago bi indarren artean, 19.000 boz inguru.

Gipuzkoako udalerri guztietako lehen indarra bi alderdi abertzaletako bat izan da, salbuepen bakar batekin: Lasarte-Oria sozialisten esku mantendu da oso tarte txikiarekin bada ere. Horren azalpena sozialisten jaitsieran aurkituko dugu. Idoia Mendiaren alderdiak 2012an lortu zituen bozen %42 galdu du. Esaterako, Arrasaten, Tolosan edo Zarautzen bozen erdia galdu dute sozialistek. 

Podemos indartsu sartu da Gipuzkoan, baina inkestek aurrikusten zutena baino indar txikiagorekin. 48.000 boz lortu dituzte eta Gipuzkoako hirugarren indarra bilakatu dira 3 eserlekurekin.

Popularrek azken urteotako beheranzko joera errepikatu dute. Eserleku bat eta 6.000 lagunen babesa galdu dituzte.