Espainiako Kontu Auzitegiak bi aldiz errugabetu ondoren, helegite berri baten aukerak aztertzeko txosten juridikoa eskatu zuten GHK-ko arduradunek. Txostenaren arabera, helegitea irabazteko aukera ez da “arrazoizkoa”, eta GHK-ko asanbladak gaur erabaki du aukera baztertzea.
Gipuzkoako Hondakinen Kontsortzioak Ainhoa Intxaurrandieta eta Iñaki Errazkinen aurka egitea erabaki zuen aurreko legegintzaldian, erakundea EAJk eta PSEk gobernatzen zutela. Ainhoa Intxaurrandieta partzuergoko presidentea zen eta Iñaki Errazkinen Aldundiko Ingurumen diputatua EH Bilduk erraustegia geratzea erabaki zuenean 2011-2015 legegintzaldian, Aldundian gobernatzen ari zela. Hurrengo legegintzaldian gobernua berreskuratu ondoren, EAJk eta PSEk Kontu Auzitegian salatu zituzten Intxaurrandieta eta Errazkin, 46 milioi eurotako kalte ordainak eskatuz.
Espainiako Kontu Auzitegiak GHKren aurka ebatzi zuen, Intxaurrandieta eta Errazkin erraustegi gelditzean zuzen jokatu zutela esanez. GHK-k helegitea jarri zuen, eta epaian berretsi zen Kontu Auzitegia. Helegite berria jartzeko aukera bakarra Auzitegi Gorenera jotzea zen. Hori egin edo ez erabakitzeko, txosten juridikoa eskatu zuen GHK-k. Gaur aztertu du GHK-k bere asanbladan txostena. Helegitea irabazteko aukera ez dela “arrazoizkoa” jasotzen da bertan. Tramitera ere onartua ez izatea gerta daitekeela iradokitzen du. GHK-ko asanbladak aho batez onartu du helegitearen jartzeko aukerari uko egitea.
“Behin-behinean” egin dutela adierazi dute, “mantentze-lanen" ondorioz. “Ingurumen eskaera guztiak” bete dituztela ere esan dute, eta araurik ez dutela apurtu.
Asteartean bete dira hiru urte Zubietako erraustegi azpitik igarotzen den Arkaitzerrekan ehunka arrain hilda agertu zirela. Orain, Gipuzkoako Hondakinen Kontsortzioak baimena eskatu du ura biltzeko depositu bat eraiki, eta lixibiatuen inguruan "zalantzarik baldin... [+]
ARGIAk astelehenean aurreratu zuen moduan, GHK partzuergoak isuna ezarri dio Ekondakin enpresari, Arkaitzerrekako isuriari erantzuteko Eusko Jaurlaritzak agindutakoa ez betetzeagatik. Bestela esanda, Zubietako erraustegiaren jabeak, GHK-k, isunez zigortu du erraustegiaren... [+]
Gipuzkoako Hondakinen Kontsortzioak Zubietako Erraustegiaren azpiko aldetik pasatzen den Arkaitzerrekako ur zikin kutsatu guztia errekatik atera eta saneamendu sistemara eramateko baimena eskatu dio Ura agentziari. Urak eta Eusko Jaurlaritzak hori baimenduko balute,... [+]
GuraSOSek hainbat dokumentu helarazi dizkie zenbait hedabidera, frogatzeko Zubietako erraustegia arauz kanpo ari dela funtzionamenduan. GuraSOSek salaketa jarri du Fiskaltzan, erraustegiaren legeztatze tramitazioan aurkitutako delituengatik.