Geoteknologien aplikazioak jendartera hurbiltzeko jardunaldia egingo dute Donostian
Geografia informazio sistemak errealitatea islatzeko tresna indartsu bilakatu dira, izan mapa, bisore edo atlas interaktibo bidez. Euskarazko jardunaldi honetan azken berritasunak aztertuko dituzte.
UEUk eta Gislan kooperatibak Geomatika eta inteligentzia espaziala 2017 jardunaldia antolatu dute azaroaren 17an Tabakaleran, Donostiako udalaren laguntzaz eta Tabakalera-Hirikilabs-en kolaborazioarekin. Jardunaldi horiekin geoteknologien aplikazioak jendartera hurbildu nahi dituzte.
Erreferentzia geografiakoak sistematizatzeak iraultza ekarri du hainbat arlotan (kartografian, arkeologian, soziologian) eta errealitatea hobeto irudikatzeko ahalmena eman du GIS (Geografia informazio sistemak) akronimoz ezagutzen den tresnaren bidez.
Jardunaldian hitzaldiez gain kasu praktikoak ere aztertuko dituzte, esaterako "Euskal Hirien iraunkortasunaz" edo AirBNBk Donostian izandako eraginaz.
Informazio gehiago hemen.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
