“Gauzak argitu gabe geratu ziren”
Calvo Ertzaintzaren Arkauteko komisarian hil zuten gauean beste atxilotu bat zegoen kalabozoetako ziegetan: M.U.M, kontrabando delitua egotzita preso zuten gizonezkoa. Calvo hil eta bost ordura egin zuen deklarazioan ertzainen bertsioa berretsi zuen oro har, eta hurrengo egunean utzi zuten libre. Urte eta erdi beranduago, ordea, epaiketan, bere abokatuak adierazi zuen M.U-k Calvo ikusi zuela “txerritxo baten gisan lotuta” eta ertzainek “errukirik gabe kolpatu zutela borrekin”. Gertaeretatik 30 urtera ARGIA lekukoarekin harremanetan jarri da. Ez du azaldu nahi izan gau hartan ikusi zuena, baina adierazi du “gauzak argitu gabe” geratu zirela.
Abuztuaren 20ko 5:00ak inguruan hil zen Juan Calvo Ertzaintzaren komisarian, eta M.Uk 10:30etan deklaratu zuen Ertzaintzaren aurrean. Oro har, ertzainek eta Segurtasun Sailak Calvoren heriotzaz eman zuten bertsioa berretsi zuen M.U-k bere lekukotzarekin: goizeko 4:30ak aldera ertzainei eraso egin ziela Calvok, bere heriotzarekin amaituko zen borrokari hasiera emanda.
Kontrabandistaren eta ertzainen arteko hitzordua
Calvo hil eta egun batzuetara Ertzaintzako agente batek diligentzia bat zuzendu zion Calvoren heriotzaz arduratzen zen instrukzio epaileari, “Raul Martin Segarra abokatuarekin izandako gorabeheraren berri emateko”. ARGIAk dokumentua eskuratu du.
Diligentziak 02044 eta 02039 ertzainen bertsioa jasotzen du soilik. Horren arabera, Calvo hil eta hiru egunera M.U-k Arkautera deitu zuen, eta aipatu bi agenteekin hitzordua egin zuen Gasteizko Sarria jatetxean. Jatetxera heltzean, ertzainek “harrituta” ikusi zuten lekukoarekin batera Raúl Martin Segarra abokatua zegoela, beren hitzetan “tabako kontrabandisten abokatua”. Abokatuak argitu zien bere presentziaren motiboa: bere defendatuak kontatu zizkion “hainbat gauza hobe direnak publiko ez egitea”, eta ertzainak lagundu nahi zituztenez, jakin nahi zuen ea “eskutik joan” zitezkeen. Ertzainek erantzun zioten beren nahia zela “dena argitzea egiarekin”, eta hortaz ez zutela inorekin eskutik joan beharrik.
Abokatuak Zeukan informazioaren pista bakarra eman zien ertzainei: “M.U.-k kontatu dezake, adibidez, Calvo liskarra hasi aurretik zegoela lotuta”. Ertzainek hori gezurra zela erantzun zioten. Ordea, Calvoren gorpuak eskumuturretan zituen markak ertzainen kontakizuna zalantzan jartzen duen elementu nagusienetakoa dira Ertzainak eta Segurtasun Saila: gezurrak, hutsuneak eta kontraesanak artikuluan aztertu dugun moduan.
"Ertzainek errukirik gabe kolpatu zuten borrekin" (lekukoaren abokatua)
“Txerritxo baten gisan lotuta”
Urte eta erdi beranduago, epaiketan, M.U-k berretsi egin zuen aurreko deklarazioa, ertzainen kontakizunarekin bat zetorrena. Deklaratu zuten ere lekukoaren abokatu Martin Segarrak, eta jatetxean beraiekin bildu ziren bi ertzainek. Kontrajarriak izan ziren, baina, kontrabandistaren eta bi ertzain horiek egindako deklarazioak bien arteko hitzorduari buruz. Honela jaso zituen xehetasunak Egineko kazetari Iñaki Iriondok epaiketaren kronikan: M.U-ren abokatuaren arabera, ertzainek proposatu zuten zita, eta beren asmoa zen M.U-k deklaratu beharrekoaz “akordio” bat egitea; ertzainen arabera, ordea, M.U-rena izan zen gonbidapena, eta helburu zuen kontrabandorako “fabore-tratua” lortzea, ertzainen kaltean deklarazio “faltsua” ez egitearen truk.
Ezustekorik handiena abokatuaren deklarazioaren beste pasarte batek eman zuen. Adierazi zuen bere garaian M.U-k kontatu ziola, hitzez hitz, bere ziegako leihatilatxotik ikusi zuela Calvo “txerritxo baten gisan lotuta zutela, eta ertzainek errukirik gabe kolpatu zutela borrekin”. Hori deklaratu ahal izateko M.U-k sekretu profesionala urratzeko baimena eman zion aurretik abokatuari. Iriondok bere kronikan jaso zuenez, M.U-k ez zuen sorpresarik adierazi bertsio berria entzutean, eta biak elkarrekin eta giro onean irten ziren epaitegitik.
Gauzak argitu gabe
Egin zuten traturik? Zer tratu mota, egitekotan? Abokatuak epaiketan bertsioa aldatzea balizko tratuarekin arazoren bat egon izanaren seinale izan daiteke? Eta, batez ere, kalabozoetan lekukoak ikusi zuenaz eman zituzten bi bertsioetatik, zein da egiazkoa? Ezin dugu jakin, baina abokatuak emanikoak hobeto azalduko luke Calvoren gorpuaren egoera.
Martin Segarra abokatua hilda dago, baina M.U ez, eta lehen esan bezala, berarekin bildu da ARGIA. Ertzainez gain gertatu zenaren lekuko zuzen bakarra denak ez die galderei erantzun nahi izan, ezta gau hartan ikusitakoa kontatu ere. Solasaldi luze baten ostean, ARGIARI baimendu dio argitaratzen, batetik, epaiketan Martin Segarra abokatuak eginiko deklarazioa ("Txerritxo baten gisan...") bien artean adostu zutela. Eta, bestetik, honako esaldia: "Gauzak argitu gabe geratu ziren".
* Artikulu hau erreportaje zabalago baten parte da. Gainontzeko artikulu eta informazioak:
- Nola eta zergatik hil zuten Juan Calvo Ertzaintzaren komisarian?
- 30 urtez ezkutatutakoa, argitara: torturaren frogak.
- ELKARRIZKETA | Patxi Bezares, Juan Calvo artatu zuen Santiago ospitaleko langilea: "Gorpu hura masakratuta zegoen".
- BIDEOA | Juan Calvo: autopsiaren zenbait pasarte.
- Ertzainak eta Segurtasun Saila: gezurrak, hutsuneak eta kontraesanak
Andrea Velasko dietista eta nutrizionistak elikaduraren bidez menopausiak eragindako aldaketak kudeatzeko zenbait gako eman ditu.
BRN + Auzoko eta Sain mendi + Odei + Monsieur le crepe eta Muxker
Zer: Uzta jaia.
Noiz: maiatzaren 2an.
Non: Bilborock aretoan.
---------------------------------------------------------
Ereindako haziek ura, argia eta denbora behar dute ernaltzeko. Naturak berezko ditu... [+]
Sei urteko etenaldiaren ostean, maiatzaren 18an, Sortzen jaia ospatuko dute Takoneran D ereduko eskola publikoen aldeko jaia. Ikuskizunak, haurrendako jolasak eta Gorka Urbizu edota Borla taldeen kontzertuak izango dira.
Ikusiz zenbat psikologok, medikuk, terapeutak… metodo mirakuluak partekatzen dizkiguten, pentsa daiteke haurren heziketa nazioarteko kezka dela eta denok adituak bilakatu garela.
Ebroko Konfederazio Hidrografikoko (CHE) lehendakariak egin du iragarpena aste hasieran: Esako urtegia handitzeko lanen laugarren moldaketari aurten ekingo diote eta urtegiaren eskuin magala egonkortzeko 47 milioi euro gastatuko dira.
Gasteizko Udalak esan du enpresa negoziatzera deitzen ari dela. Sindikatuek eskatu diote Gasteizko langileak defendatu ditzala Enviserren jabea den AEBetako inbertsio funtsaren aurrean.
Bilboko, Gasteizko eta Donostiako herri jaietako ordezkariek agerraldi bateratua egin dute maiatzaren 8 honetan, txosnei jarritako zailtasunak salatzeko eta jai eredu herrikoa "desagertzeko arriskuan" dagoela ohartarazteko.
Aurreneko aldiz Euskaraldiaren barruan Hikaldia egingo da. 83 herrik eman dute izena. Iaz hitanoa bultzatzeko sortu zen ZirHika talde eragileak antolatu du ekimena, Tauparekin batera. Patxi Saez Beloki ZirHika taldeko kidea elkarrizketatu dugu. Bi helburu dituzte estreinaldian:... [+]
Azken asteotan, energia berriztagarriei buruzko eztabaida komunikabideetan zabaldu da. Euskal Herrian, lehenik eta behin, Aritz Otxandianok jasandako erasoaren kasu mediatikoa izan genuen, berak energia berriztagarrien aldeko jarrerari egotzi ziona; handik egun gutxira,... [+]
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
"Bake zubiak eraikitzeko laguntza" eskatu dio jendeari balkoitik egin duen lehen agerraldian.
“Proposamen oso eskasa egin du Hezkuntza Sailak, berme eta zehaztapenak txertatu barik”, kontatu dio ARGIAri STEILASeko bozeramaile Haizea Arbidek. Ostegun honetan bilera izan dute sindikatuek eta Eusko Jaurlaritzako Hezkuntza Sailak, EAEko irakaskuntza publikoko... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.
Sorionekuak mugimenduak larunbaterako mobilizazioa deitu du. Goizean herriz herri Nafarroako zubietan elkartuko dira eta arratsaldean Iruñean manifestazioa abiatuko dute, Kostarapea parketik (Trinitarios-Tren parkea) abiatuta 17:30ean. Ireki ateak euskarari lelopean... [+]