Iheslarientzako Nazio Batuen Goi Agintaritzak 2018an 70 milioi pertsona desplazatu zirela salatu du, batzorde honen 70 urtetako historia osoan erregistratu den zifra handiena. Desplazatu hauek gerrek, jazarpenak eta gatazkek eragindakoak direla diote, eta 108 pertsonatik bati eragiten diete.
Iheslarientzako Nazio Batuen Goi Agintaritzak argitaratutako Tendentzia Globalen txostenaren arabera, 1998tik bikoiztu egin da desplazatzera behartuta izan diren pertsonen kopurua. 70,8 milioi horietatik, 25,9 errefuxiatuak dira, 41,3 barne-desplazatuak eta 3,5 babes-eskaleak.
Filippo Grandi Goi Agintariak adierazi duenez, datu hauek erakusten dute babesa behar duten pertsonen kopurua etengabe hazten ari dela: “Zifra hauek epe luzeko goranzko tendentzia adierazten dute, gerra eta gatazken aurrean babesa behar duten pertsonekiko. Eskuzabaltasun eta elkartasunaren testigu izaten ari gara azken aldian hala ere, errefuxiatu asko jasotzen dituzten komunitateen aldetik batez ere. Gainera, aktore berrien aldetik laguntza asko jasotzen ari gara” adierazi du Grandik.
Egoeraren datu batzuk
Iheslariak laguntzeko Nazio Batuen Erakundearen Goi Agintaritzak publikatu duen ikerketa sakonean errefuxiatu eta desplazatuen inguruko hainbat datu argitzaile ikus ditzakegu, gaur egungo egoeraren eskema mental bat egiteko. Zifra orokorretik 3,5 milioi pertsona babes-eskaleak dira, hau da, beraiena ez den herrialde batean dauden eta nazioarteko laguntza jasotzen duten pertsonak dira, baina errefuxiatu-izaera oraindik lortu ez dutenak. 25,9 milioi errefuxiatuak dira, errefuxiatu palestinarren laguntzarako NBEren Agentziaren laguntzapean dauden 5,5 milioi pertsonak barne.
Beste 41,3 milioiak barne-desplazatuak dira, hau da, beren herrialdean hiri edo eskualdez aldatzera behartuak izan diren pertsonak. 70,8 milioi desplazamendu horietatik, 13,6 iaz gertatu ziren; hau da, 2018an 10,8 milioi barne-desplazatu berri eta 2,8 milioi errefuxiatu berri izan ziren. Haien bizilekura itzuli direnak, berriz, 2,3 milioi barne-desplazatu eta 600.000 errefuxiatu izan dira.
Gaur egun munduko errefuxiatuetatik 6,7 milioi siriarrak dira, eta Turkiak 3,7 milioi errefuxiatu jasotzen ditu; biak lehen herrialdeak dira bakoitzaren zerrendan (nongo errefuxiatuak eta herrialde-hartzaileak).
Errefuxiatuen fluxua
Errefuxiatuak nondik nora mugitzen diren ere aldatu egin da. Geroz eta gehiago dira hiri-eremuetara doazenak, eta errefuxiatu-zelaiek pisu gutxiago dute. Errefuxiatuen %61 hiri-eremuetan bizi da, zehazki. Errefuxiatuen %80 beren herrialdeekin mugakide diren herrialdeetara doaz. Diru-sarrera altuko herrialde-hartzaileek, bataz beste, 2,7 errefuxiatu jasotzen dituzte mila biztanleko. Diru-sarrera erdi-baxuko herrialdeek, berriz, 5,8 pertsona jasotzen dituzte mila biztanleko batez beste. Bizitza prekarioagoa den herrialdeek jasotzen dituzte errefuxiatu gehiago, beraz; honek errefuxiatuen bizitza-kalitatea bermatzea zailtzen du.
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]