Galizian 13 parke eolikoren proiektuak geldiarazi ditu justizia auzitegiak, ingurumenean izan ditzaketen ondorioengatik
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak emandako epai baten arabera.
Espainiako Auzitegi Gorenak 2023ko abenduan ontzat hartu zituenean Galiziako Xuntaren eta EDP Renovables enpresaren helegiteak, Corme itsasadar inguruan egitekoa duten makrozentral eoliko baten ingurun, berriztagarrien sektorean dabiltzan enpresek eskuak igurtzi zituzten, aurretik Galiziako Justizia Auzitegi Nagusiak (TSXG) emandako epai bat bertan behera utziko zuelakoan.
TSXGren epai horrek 16 zentral eoliko geldiarazi zituen. Baina Galiziako auzitegiak, atzera egin beharrean, Gorenaren ebazpenera egokitu du bere erabakia, eta jarraitzen du 13 zentral eolikoen proiekturen inguruko debekuarekin, Nòs Diario-k azaldu duenez.
Horretarako arrazoitu du helegiteak jartzeko denbora estuegiak direla eta periculum in mora dagoela, alegia, ez badu suspentsiorako behin-behineko neurri hori hartzen arriskua dagoela airesorgailuek ingurumenari itzuliezinezko kalteak eragitea.
Denera 334,4 megawatt energia produzituko lukete bertan behera geratu diren zentral eolikoek eta Galiziako hamairu eskualdetan nahi nahi dituzte ezarri.
Enkarterrin eolikoen kontrako martxa igandean
Euskal Herrian ere makro-zentral eolikoen kontrako ekimenek ez dute etenik. Enkarterrin Makro Eolikorik Ez plataformak deituta, ibilaldia egingo dute igandean Ubieta-Zipar mendira, eta datorren astean beste hainbat ekimen antolatu dituzte, hala nola dokumentala eman eta erakusketa bat paratzea Balmasedan.
Plataforma horrek ARGIAra bidalitako oharrean azaldu duenez Enkarterrin eolikoen bi instalazio handi egin nahi dituzte. Batean 200 metroko 6 airesorgailu joango lirateke, Gordexolari eta Arabako hainbat herriri eragingo diena; eta bestean 7 airesorgailu jarri nahi dituzte Sopuerta, Galdames, Gueñes eta Zallako udalerrietan. Orain arte eraikita dauden instalazioei gehituta, eskualdean 200 MWtik gorako ekoizpena izango lukete, "gure beharren oso gainetik", azaldu dute.
Eusko Legebiltzarrak otsailaren 8an onartutako Trantsizio Energetikoaren lege berria ere kritikatu du plataforma horrek: "Ez dago trantsiziorik –esan du–, lege kontinuista bat da, gure lurraldea funts putreen esku jartzen duena". Hala, azaldu dute elkarlanean ari direla beste eskualde batzuetako ekimenekin, Euskal Herria Bizirik plataformak apirilaren 13an Azpeitian egingo duen manifestazioa aurrera eramateko.
Pirinioetako eta Iberiar Penintsulako mendien katalogoa gehitu dugu Mendiak aplikaziora. Abuztuan hazi zen mendi katalogoa, eta dagoeneko igoera mordoxka bat erregistratu dituzte erabiltzaileek. Webgune gisa kontsulta daiteke Mendiak.eus, baina erabilpen aproposerako, app bidez... [+]
Public Eye eta Unearthed Gobernuz Kanpoko Erakundeek eman dute gehiegikeria horren berri irailaren 23an plazaraturiko txostenean. Inportatzaileen zerrendan 93 herrialde ageri dira, eta horietatik hiru laurdenak diru sarrera txikiak edo ertainak dituzten herrialdeak dira.
Orain da unea eta ez dugu denbora askorik. Baina, zer egin? Nondik hasi? Nora jo? Badugu gaitasun teknikoa, bide-orri argi bat falta zaigu, adostasun zabal bat. Oinak lurrean eta lokatzari aurre egiteko prest, berandu baino lehen ekin beharreko bideaz aritu gara Marta... [+]
Euskal Sagardoa Jatorri Deiturako 250 sagastietan hasiak dira jada sagar biltzen. Araba, Bizkaia eta Gipuzkoari dagozkien iazko datuekin alderatuta, uzta handiagoa izango da aurten. Orotara sei-zazpi milioi kilo biltzea aurreikusten dute, datu zehatza urte bukaerarako izango... [+]
Azken urteotako uda bukaera guzietan bezala, Ipar hemisferioko suteen kalteak zenbatzen ari gara, eta zenbakiak ikusi arren, oraino zaila zaigu arazoaren munta eta horri loturiko arriskuaren ezaugarriak ulertzea. Halere premiazkoa da, horren arabera lurraldeak prestatu beharko... [+]
Sarraskiak ez du etenik Palestinan, eta lurraldeko txoko guztietara hedatzen ari da. Uztailaren 31n, Hebrongo (Zisjordania) Hazien Bankuaren Ugalketarako Unitateari eraso zion Israelek; bulldozer eta makineria pisutsuarekin bertako instalakuntza eta azpiegiturak suntsitu zituen... [+]
Udazkeneko zenbakia aste honetan jasoko dute ARGIAko kideek, edo berariaz Bizi Baratzeako kide egin direnek.
Abuztuaren amaieran azaltzen da, baina iraila du gogokoen. Udazkena hemen dela berritzen digu urtero. Udazkenari kolore bidea erakusten dio. Guri, ahoko zeruak jasota duen lurrinen bilduma erraldoiaren miaketa azkarra egin eta urteroko uztaldi nagusiaren dasta bitxienetakoa... [+]
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?
Sugea ikusi orduko: “Sugegorria!”. Telesforo Aranzadi zenak esaten baitzuen, begiek ez dutela ezagutzen dutena baino ikusten. Eta sugegorria ezagutu, ezagutzen dugunez (entzunaz, sikiera), hori bera izaten da joera: ikusten dugun suge oro sugegorria dela iruditzen... [+]
Artzain gisa hirugarren kanpaina du aurtengoa Koldo Vicente Eseberrik. Familia Otsagabikoa izan arren, Iruñean bizi izan zen txikitatik, baina abeltzaintzaren munduarekin harreman estua izan du beti. “Osaba artzaina zen, haragitarako ardiak zituen hemen, eta txikitan... [+]
Bada Garde. Urrutira gabe hor dago, urrutieneko mugaren guardan. Umetan ezagutu nuen Garde, ez dut gogoan zenbat urte nituen, baina landatuta geratu zitzaidan han ikusi nuena.-
Dei batek dena alda dezake. Eguna bai, bederen. Hurrengo orduetako martxa, sikiera. Ourensen dagoen lagunak jasotzen du Noainen dagoen Lugoko lagunaren deia. Dei bakar batek ekarri zituen Galizako elkarte bateko zortzi artzain eta ahuntzain bat etxera. Zoragarria izan zen... [+]
