Galdakaoko gaztetxea hustu du Ertzaintzak eta hainbat lagun identifikatu
Astearte arratsaldean Ertzaintzak Galdakaoko gaztetxea hustu du eta hainbat lagun identifikatu ditu.
Joan den larunbatean okupatu zuten Galdakaon gaztetxe berria, aurretik erretirodun pertsonentzat erabili izan zen eraikin batean sartu ondoren. Lau egunen ondoren, Ertzaintzako agenteak edifizioan sartu, barruan zeuden bi lagun identifikatu eta gaztetxea hustu du.
Agenteen presentzia ikusirik, Galdakaoko gazte asanbladak abisua eman du sare sozialen bidez eta hainbat lagun inguratu dira eraikin okupatura. Horietako bat ere identifikatu du Ertzaintzak, Gedar.eus atariak informatu duenez.
Polizien eta gaztetxearen aldekoen artean tentsio uneren bat ere izan da. Beheko bideioan, gaztetxearen aldekoak eta Ertzainak aurrez aurre ikus daitezke.
Barrua zeuden 2 kideak identifikatu eta kanporatuak izan dira. Kanpoaldean zeuden beste hainbat kide ere identifikatuak izan dira eta tentsio egoerak bizi izan dira.
Gora Galdakaoko Gaztetxea aurrera! pic.twitter.com/6Ne9CisTcH
— Galdakaoko Gazte Asanblada (@galdakasanblada) May 7, 2019
Hustuketaren kontrako eltze-jotzea deitu du gazte asanbladak asteazken honetan eta ostegunean berriz, manifestazioa.
2017ko maiatzean Ortuondo gaztetxea izandako eraikina eraitsi zutenetik, Galdakao gaztetxerik gabe zegoen. Gazte asanbladak sare sozialetan adierazi duenez, "desjabetuok ditugun beharrizan ezberdinak asetzera bideratutako espazio bat eraiki" nahi zuten gaztetxe berrian eta horretarako hasi ziren antolatzen aurtengo martxotik.
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]
Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]