G7ko "zerrenda beltzen" berri ba ote duen galdetu dio EH Bilduk Sánchezen gobernuari
G7 Ez plataformak deituta, kontzentrazioa egingo dute abuztuaren 30ean Gasteizen, gailurrean agerian geratu bezala "zerrenda beltzak" daudela salatzeko. EH Bilduk azalpenak eskatu ditu Espainiako Kongresuan.
Kontzentrazioan militarazioaren eta atxiloketen kontrako aldarrikapenak ere zabalduko dituzte. Ostiralean izango da, abuztuaren 30ean, Andra Mari Zuriaren plazan, arratsaldeko 19:00etan.
Joseba Alvarez ezker abertzaleko eta G7 Ez plataformako kidearen atxiloketarekin ezagutarazi zen poliziak 500 laguneko zerrenda bat zuela "Frantzian egoteko eskubidea" ez dutenak halako gailurrak daudenean.
"Zerrenda beltz" horrek haserrea eta harridura sortu du eta, esaterako, Mertxe Aizpurua EH Bilduko Espainiako Kongresuko kideak azaldu duenez Pedro Sánchezen gobernuari galdera luzatu diote, halako zerrendaren berri ba ote duen jakiteko.
PSOE, PP, C's eta VOXek #G7-ari buruzko agerraldia atzera ostean, azalpenak eskatu dizkiogu Madrili 500 laguneko zerrendaren berri ote duen jakiteko.
Nork eta ze irizpiderekin osatu du zerrenda? Nola babestuko ditu Frantziako Estatutik kaleratutako herritarren eskubideak? #G7EZ pic.twitter.com/2Ryq1xlcls
— Mertxe Aizpurua (@MertxeAizpurua) August 29, 2019
Asteazkenean, bestalde, ehundaka lagun elkartu ziren atxilotuei sostengua emateko Donostia, Iruñea eta Bilbon.
Ekainaren 26an epaituko dute polizia Baionako auzitegian. Poliziak jaurtiriko flashballa aurpegian jasorik, manifestariak zauri larriak ukan zituen aurpegian.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian
