ARGIA.eus

2021eko urtarrilaren 22a

Felipe González ikertzeko eskatu dio Pili Zabalak Gipuzkoako Fiskaltzari

  • Espainiako presidente ohiak estatu terrorismoan izan zuen papera ikertzeko eskatu du Joxi Zabalaren arreba eta Elkarrekin taldearen legebiltzarreko buru ohi Pili Zabalak. Espainiako presidente ohiaren aurkako azken zantzua ekainean ezagutu ziren CIAren 1984ko paperak direla adierazi du Zabalak.

     

ARGIA @argia
2021eko urtarrilaren 11
González, Espainiako Gobernuko presidente zen garaian. Argazkia: wikipedia.org.

Gipuzkoako Fiskaltzari ikerketa abiatzeko eskatu dio Zabalak, argitu dezan ea Felipe Gonzálezen aurkako salaketa jartzeko aukera dagoen. Batetik, “ustez GALen bidez atentatuak eta desagertze behartuak egitea eragiteagatik. Bestetik, argitzeko ea Gonzálezek presidente karguaz baliatu ote zen, “erreserbatutako funtsen bidez giza eskubideen urraketa larriak onartzeko, finantzatzeko edo estaltzeko”.

Gonzálezen erruduntasunaren azken zantzua ekainean ezagutu ziren CIAren paperak lirateke Zabalaren ustez. 1984Ko barne txosten horietan, AEBetako Inteligentzia Agentzia Zentralak. “González ados dago armadak kontrolatutako mertzenario taldeak osatzearekin, terroristak legez kanpo borrokatzeko”, zioen bi txostenetako batek, besteak beste.

Gonzálezen ustezko delituak preskribatutzat emanez gero, Zabalak Fiskaltzari eskatu dio informazioa Juan Carlos García Goenaren hilketaren auzira gehitzeko. GALek hil zuen García Goena Hendaian, 1987an, eta kasua irekita dago.

Egia, lehenago edo beranduago

“Felipe Gonzálezek badaki lehenago edo beranduago egia horretara iritsiko garela”, idatzi du Zabalak Twitterren. Ekainean estatu terrorismoa ikertzeko plataforma bat osatzeko asmoa zuela jakinarazi zuen Zabalak, eta horren berri “laster” emango dutela idatzi du mezu berean.

 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Estatu terrorismoa  |  Felipe González

Estatu terrorismoa kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude