Facebook eta Googlek Las Vegaseko erasotzailearen inguruko informazio faltsuak zabaltzen lagundu dute

  • Bi iturri horiek zabaldu dute atentatuaren ustezko egilea alderdi Demokratako kidea zela eta Donald Trumpen aurka egin zuela.

Andoni Mikelarena @andonimik
2017ko urriaren 04a

Poliziak Stephen Paddock ustezko erasotzaile gisa identifikatu aurretik, zenbait iturri ultraeskuindarrek Geary Danley jo zuten erasotzailetzat. Ez dago argi gezur hori non hasi zen, baina argi dago ultraeskuindarrek berehala zabaldu zutela informazio faltsua, gaineratuz erasotzailea “aurrerakoia” zela.

“4chan” plataforman zabaldu zuten Danley alderdi Demokratan erregistratuta zegoela. Plataforma hori ultra eskuindarrek erabili ohi dute. Nahiz eta informazioa baieztatu gabea zen eta iturriak ez ziren batere fidagarriak, Facebooken ziurtatze orriak informazio faltsua zabaldu zuen, erasotzaileak “Trumpen aurkako” ideiak zituela esanez.

Gauza bera egin zuen Googlek. Bilatzailean Geary Danley  izena sartuta, “4chan” plataformara bideratzen zituen erabiltzaileak, informazioa faltsua bazen ere. Orduak pasata, bi iturriek informazio hori ezabatu zuten. Eta algoritmoen arazo bati egotzi zioten errua. Arazoa konpontzeko konpromisoa ere adierazi zuten.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Facebook  |  Google

Facebook kanaletik interesatuko zaizu...
2018-10-19 | ARGIA
Multinazionalen zentsura
Muy Bastas orria ezabatu du Facebookek zazpi hilabetean hirugarren aldiz

Facebooken 55.000 laguneko komunitatea zuen Muy Bastas returns orri arabarra ezabatu du enpresa multinazionalak, oraingoan arrazoirik eman gabe. Enegarren aldia mezu politikoak, herri mugimenduen deialdiak eta umorea nahasten dituen orri hau zentsuratzen dutela, azken zazpi hilabeteetan hirugarren aldiz, Hala Bedin jaso dutenez.


2018-07-12 | Hiruka .eus
Facebookek zentsuratu egin dio Sopelako lasterketa nudistaren informazioa Hirukari

Facebook-ek birritan zentsuratu dio Hiruka.eus hedabideari Sopelako lasterketa nudistaren gainean argitaratu duen kirol-artikulua. Kasu bietan, sare sozialak iragarri du digital honek Facebooken duen orritik "zerbait ezabatu" duela, enpresaren "komunitate-arauak bete ez dituelako".


2018-06-08 | ARGIA
Facebookek publiko egin ditu 14 milioi erabiltzaileren mezu pribatuak

Maiatzaren 18 eta 27a bitartean softwarean emandako "akats" baten ondorioz, txat eta talde itxien bidez erabiltzaileek bidalitako mezuak publiko egin dira.


Masiboki zelatatutako gizartea

“Denbora askoan, erabat zelatatutako mundu baten ideia erokeria utopiko edo paranoiko gisa hartu izan da, teoria konspiratzaileekin obsesionatutako jendearen irudimen aluzinatua. Hala ere, egiari zor: hemen eta orain Zelataren Inperio antzeko baten kontrolpean bizi gara. Gu konturatu gabe, geroz eta behatuago, espiatuago, zelatatuago, kontrolatuago, fitxatuago gaude.


2018-04-27 | ARGIA
Muy Bastas orria ezabatu du Facebookek, mezu feministak zabaltzeagatik

Sareko umore politikoa zabaltzen duen kontu anonimoa da Muy Bastas, Facebooken 280.000 jarraitzaile inguru dauzka, Euskal Herrian jarraitzaile gehien duen orrietako bat. Twitterrez informatu dutenez, besteren artean, Irantzu Varela ekintzaile feministaren txioak zabaltzeagatik indargabetu du enpresa multinazionalak.


2018-03-22 | ARGIA
Edward Snowden
"Facebook bijilantziarako enpresa bat da"

NSA segurtasun agentziako langile ohi Edward Snowdenek esan du "bijilantzia konpainia" dela Facebook. Adierazpenok egin ditu Facebookek itxi ostean Cambridge Analytica enpresaren eta bertoko langile ohi Christopher Wylie-ren kontuak. Analista kanadiar honek salatu du Cambridge-ek 50 milioi herritarren datuak pilatu zituela legez kanpo, AEBetako 2016ko hauteskunde kanpainan Donald Trumpen hautagaitza babesteko.


2017-11-22 | Miren Osa Galdona
Facebookek LGTBI tematikako galizierazko film bat zentsuratu duela salatu dute

Nove de Novembro filma LGBTI tematika erdigunean jartzen duen lehen pelikula luze galiziarra da. Trailerra Facebook bidez zabaltzerako orduan, edukia zentsuratu dietela salatu du Lazaro Louzao zuzendariak. Facebookek dio bideoak ez dituela betetzen sare sozialak eskatzen dituzten irizpideak.


2017-07-27 | ARGIA
20.000 gara Facebooken, gonbidatu zure lagunak

Facebooken 20.000 laguneko komunitatea osatu dugu! Oso pozik gaudela jakinarazi nahi dugu, milesker guztioi! Milesker ARGIAren informazioa irakurri eta partekatzen duzuen guztioi. Milesker ARGIAko komunitateko kide guztioi proiektu honi bultzada emateagatik!


@erreharria
"Bi urteko kartzela zigorra eskatzen didate txio batzuk idazteagatik"

Alfredo Remirez @erreharria izenarekin ezagutzen da sare sozialetan. 2015eko maiatzean "Araña operazioaren" hirugarren fasean atxilotu zuten sare sozialetan idazteagatik. Otsailaren 27an ekingo diote bere aurkako epaiketari eta bi urteko kartzela zigorraz gain, bost urteko zaintzapeko askatasuna eta hamasei urteko inhabilitazioa eskatzen diote txio batzuk idazteagatik.


Filantrokapitalistak, erruki handiz kateatzen gaituzten oligarka horiek

Aberats handiek beti maite izan badute karitatea erakustea, muturreko kapitalismoaren garaiotan, filantropia bera muturreraino eramaten ari dira, Facebookeko ugazaba Mark Zuckerbergen filantropiazko azken operazioak erakutsi duenez. Konplexuak galdurik, oligarkek erabaki dute filantropia erabiltzea batak bestea aberatsagotzeko.


Azkenak
EGILEA
Eguneraketa berriak daude