Ez dute kartzelara joan beharko Errotxapeako Gaztetxearen desalojoa dela-eta epaitutako lagunek
Fiskaltzaren kartzela-zigor altuak saihestea lortu dute sei akusatuek, akordio baten bidez; bederatzi hilabeteko zigorrak ezarri dizkiete gazteetako bosti eta, gainera, isunak jarri dizkiete hiruri. Desalojo baten aurka protesta egiteagatik zigor horiek jaso izana problematizatu dute auzipetuek, eta Langile Kontrolpeko Espazioen defentsaren aurkako eraso modura ulertzen dute prozesu judizial osoa.
aurre egingo dieten hedabide independenteak
Astearterako zegoen ezarrita Errotxapeako Gaztetxearen (Iruñerria, Nafarroa) desalojoaren harira atxilotutako eta akusatutako sei lagunen aurkako epaiketa. Iruñeko epaitegien esku egon da kasua, eta hara bertaratu behar izan zuten sei gazteek; 09:30ean, dena den, hainbat lagun elkartu ziren epaitegien aurrean, haiei elkartasuna adierazteko. Errotxapeako Gaztetxeak eta Erraki Langile Kontrolpeko Espazioen Babes Sareak egin zuten mobilizazio deialdia.
Han izan zen Foruzaingoa ere: zinta bat jarri zuen epaitegietako sarreratik distantzia-tarte batera, eta elkarretaratzea zinta horren atzean egitea agindu zuen, protestan ari zirenak sarrerara hurbildu ez zitezen.
Zigor altuak mahai gainean
Altuak ziren fiskaltzak sei auzipetuentzat egindako zigor eskaerak: hiru urte eta bederatzi hilabeteko espetxe-zigorra eskatu zuen auzipetutako bost kiderentzat, "agintearen aurka atentatzea" egotzita, eta "tresna arriskutsuak" izatearen larrigarriarekin. Haietako biri, gainera, isunak ere ezarri nahi zizkien fiskaltzak, "lesioak eragitea" leporatuta. Bestalde, seigarren akusatuarentzat bi urteko kartzela-zigorra eskatu zuen, "agintearen kontra atentatzea" nahiz "lesioak eragitea" egotzita.
Azkenean, baina, zigor altu horiek saihestea lortu dute sei gazteek, eta ez dute kartzelara joan beharko. Horretarako, fiskaltzarekin akordio bat sinatzea beste aukerarik ez dute izan, eta zigor eskaerak jaistea lortu dute hala. Adostutakoaren arabera, bost kideri bederatzi hilabeteko espetxe-zigorra ezarri diete "agintearen kontra atentatzeagatik", baina larrigarririk ezarri gabe; bost horietako bik, gainera, isunak ordaindu beharko dituzte "lesioak eragiteagatik" eta kalte-ordainak direla-eta. Seigarren kideari dagokionez, isun altuak jaso ditu; 1.080 euroko bat "erresistentziagatik", eta 2.020 euroko bat kalte-ordainetan.
Espazioen defentsa jo-puntuan
Gazteek lortu dute espetxea saihestea, baina gaztetxe baten hustearen aurka protesta egiteagatik zigor horiek jaso izana salatu eta problematizatu dute. Langile Kontrolpeko Espazioen defentsaren aurkako eraso modura kokatu dute hori guztia, eta eraso horiek borrokatzea beharrezkotzat jo dute.
Errotxapeako Gaztetxeak jakinarazi du, gainera, desalojo egunean identifikatutako pertsona gehiagori ari zaizkiela isunak iristen. Irailaren 2an hustu zuten Errotxapeako Gaztetxea, eta polizia-indarrak modu bortitzean oldartu ziren protesta egitera bertaratu zirenen aurka; sei pertsona atxilotu zituzten —gaur epaitu dituztenak—, eta 150 lagun inguru identifikatu zituzten.
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]