ARGIA.eus

2020ko urriaren 28a

Korrika ez da 2021ean egingo

  • Koronabirusak eragindako egoera dela eta, 2021ean ez dela Korrika izango eta 2022ra atzeratu dutela jakinarazi du AEK-k gaur eman duen prentsaurrekoan.

Jone Markuleta @JMarkuleta
2020ko urriaren 16a
Argazkia: AEK

Korrikaren 22.edizioa 2021ean egitekoa zen, baina pandemiaren ondorioz bizi dugun egoera dela eta 2022ra atzeratuko dutela jakinarazi dute AEK-ko Korrikaren arduradunek ostiralean eman duten prentsaurrekoan. Uda hasieran abiatu behar zuen urteko edizioari eusteko gogoz baziren ere, "ez da posible izan". Korrikako arduradun Asier Amondok eta AEK-ko koordinatzaile nagusi Alizia Iribarrenek, Donostiako San Telmo museoan iragarri dute albistea. Euskaldunen eta Korrikazaleen segurtasuna eta osasuna bermatzeko hartu dutela erabakia adierazi dute, erantzukizun handia dela azpimarratuz.

Korrikak sortu duen hutsunea nabarmena izango dela aitortu dute: "Korrikak jendea behar du, herriak, kaleak, bideak. Eta egungo egoera desegonkorrean ezin dugu horrelakorik bermatu", adierazi du Amondok. 2022ko Korrikara iritsi aurretik, egoera berrietara moldatuta zenbait ekintza egitea posible ikusten dute, baina Korrika ohiko formatoan, ez.

AEK-ko ordezkari Iribarrenek, euskaltzaleak Euskaraldiaren bigarren edizioan parte hartzera deitu ditu, norberak nahi duen rola hartuz, euskararen alde egiteko ekintza dela adieraziz. "Euskal Herriaren euskalduntzea da helburu nagusia".

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Korrika

Korrika kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude