Euskal literatura kale gorrira, bosgarrenez

  • Maiatzaren azken egunetik hasi eta ekainaren 2rako tartean iragango da Literaturia 2013, letrak kale gorrira ateratzea helburu duen ekimena. Bosgarrena dugu aurtengoa, eta betiko legez, Larrabetzuko herria hartuko du plazatzat.

Garbine Ubeda Goikoetxea @garbineubeda
2013ko maiatzaren 21a
Literaturia 2013

Errezitalak, aurkezpenak, antzerki saioak, kontzertuak, irakurraldiak, haurrentzako ipuin kontaketak, solasaldiak... Oparoa eta osagarriz betea dator beste behin ere euskal literaturaren azoka.

Publikoari gorroto obrak emango dio ofizialki hasiera Literaturiari, ostiralean, hilak 31, 19:00etan.

Egunik mardulenean –ekainak 1, larunbata– Lourdes Oñederraren Intemperies (babes bila), Miren Agur Meaberen Kristalezko begi bat, Mariasun Landaren Inurrien hiztegia, Garazi Goiaren Txartel bat (des)herrira eta Mikel Tabernaren Alkasoroko benta nobelak izango dira berbagai, idazleak bertan direla, 11:00etan.

Arratsaldeko 18:30ean Elkartasun basatia errezitaldia eskainiko du Oier Guillanek. 22:00etan, berriz, Ez haut abandonatuko (Bide Ertzean + Jon Benito) eta Anariren emanaldia daude programatuta.

Igandean, besteak beste, egungo itzulpengintzaren erronkak izango dira aztergai.  Josu Bergara eta Pau Alabajos bakarlariek emango diote amaiera aurtengo edizioari.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Literaturia

Literaturia kanaletik interesatuko zaizu...
2018-05-25 | Zebrabidea
Zarautz literaturaren erdigune bilakatu du Literaturiak

Zarautz literaturaren erdigune bilakatuko da gaurtik igandera bitarte. Literaturia bueltan da, eta literaturzaleentzako topaleku bilakatuko da, euskal idazle, argitaletxe eta irakurleak bertan izango baitute literaturaz gozatzeko topagunea. Ana Galarraga izan da Bilbo Hiria irratian, eta harekin hitz egindakoa ere ekarri dugu gurera.


Literaturia 2016: larrutuko zaituzte bideo hau ikusten ez baduzu

Literaturia izango da Zarautzen maiatzaren 19tik 21era eta, hitz egin dezagun lanak merezi duen terminoetan, ikus-entzunezko obra honekin iragarri dute.


Literatura eta larrua maiatzean Zarautzen: zer gehiago eska dezakezu?

"Larrua" izango da aurtengo Literaturiaren gaia, "plazer hutsa" jarri diote azpititulu. Zarautz maiatzaren 19tik 22ra literatur-saltsaren erdigune bihurtuko da ekitaldiz beteriko programari esker.


Literaturia
Aurten galdu ezin dituzun bost zita

Maiatzaren azken asteburuan ospatuko da aurten euskal letren plaza Zarautzen, bigarrenez iaz Larrabetzutik hona salto egin ostean. Lehen aldiz gai baten bueltan osatu dute egitaraua: Ardoa. Huts eginez gero, literaturzale, galdu izanaz damutuko zaren bost proposamen bildu ditugu jarraian, aipatu gabe utzitakoek ere hainbeste merezi arren.


2015-05-12
Odolean daramagu
MULTIMEDIA - film laburra

2015eko Literaturia, euskarazko Literaturaren festa, sustatzeko eginiko film laburra.

Zuzendaria: Juanfe Garces
Gidoilaria: Bertol Arrieta
Aktoreak: Ander Lipus, Patxi Santamaria, Ainhoa Alberdi, Iraia Elias, Beñat Aristi


2014-05-25 | Myriam Garzia
LITERATURIA 2014
Euskal letren plaza berezitua Zarautza aldatu da

Udaren atarian heldu da Literaturiaren 6. edizioa. Aurtengoan, Larrabetzu utzi eta Zarauzko herriak egingo dio tokia euskal literaturaren hitzorduari, urtetik urtera hazi den ekimena izaki, azpiegitura hobea behar duelakoan. Auzolana du oinarri Literaturiak, eta literaturzaleen bilgune ez ezik, argitaletxe, sortzaile eta kultur ekintzaileentzat erreferentzia bilakatu da. Maiatzaren 28tik ekainaren 1era.


2013-06-03
Literaturia 2013
MULTIMEDIA - argazki-galeria

Maiatzaren azken egunetik ekainaren 2ra egin da Literaturiaren bosgarren edizioa. Letrak kale gorrira ateratzea du helburu ekimenak. Betiko legez, Larrabetzuko herria hartu du plazatzat.


Oier Guillan: "Kultura behetik eta modu aktiboan bizitzeko aukera da Literaturia"

Literaturaz oro har, poesiaz, antzerkiaz eta sorkuntzaz solasean aritu berri gara Oier Guillanekin. Aurki argitaratuko den elkarrizketaren aurrerapena da ondoren datorrena.


Danele Sarriugarte, idazle eta itzultzailea: "Gero eta lausoago ikusten dut sortzearen eta itzultzearen arteko muga"

Literaturiak ekitaldi ugari proposatuko ditu hiru egunez, maiatzaren 31tik ekainaren 2ra bitartean. Igandeko menuko plater nagusia, kasura, mahaiaren bueltan eskainiko da, 11:00etatik hasita. Euskarazko itzulpengintzaren erronkak gaur egun izenburupean antolatu den solasaldiak euskal literaturaren beharrizanei zelan erantzun beharko litzaiekeen argitzea izango du xede. Parte-hartzaileak hautatzeko garaian, aspaldion sortu diren argitaletxeak izan dituzte gogoan, Danele Sarriugarte... [+]


"Orain da literaturaren bitartez ere mundu eredu berria proposatzeko ordua"

Maiatzaren azken egunetik hasi eta ekainaren 2rako tartean iragango da Literaturia 2013, letrak kale gorrira ateratzea helburu duen ekimena. Bosgarrena dugu aurtengoa, eta betiko legez, Larrabetzuko herria hartuko du plazatzat. Errezitalak, aurkezpenak, antzerki saioak, kontzertuak, irakurraldiak, haurrentzako ipuin kontaketak, solasaldiak... Oparoa eta osagarriz betea dator beste behin ere euskal literaturaren azoka.


Azkenak
EGILEA
Eguneraketa berriak daude