Euskal diaspora elkartuko da Boisen, eta jendetsua izatea espero dute
AEBetako Idaho estutako Boise hiriburuan ospatuko dute euskal kultura ezagutarazteko, eta euskal diaspora batzeko. Hainbat ekitaldi egingo dituzte uztailaren 29tik abuztuaren 3ra arte.
aurre egingo dieten hedabide independenteak
Bost urtean behin ospatzen dute Jaialdi izeneko euskal kulturaren ekitaldi handia. 1987an egin zuten lehenengo edizioa, eta printzipioz bakar bat ospatzeko asmoa zuten. Ekitaldiaren webgunean azaltzen dutenez, 30.000 pertsona joan ziren, eta arrakasta erabatekoa izan zen. Hori ikusita, garai hartako Idahoko gobernadoreak ekitaldi gehiago ospatzea eskatu zuen, eta horrela bihurtu zen bost urtean behineko ekitaldi esanguratsu. Uztaileko azken asteburuan ospatzen dute, Loiolako San Inazio egunarekin bat eginda. Hala ere, koronabirusaren pandemia zela eta, ezin izan zuten 2020an ekitaldirik ospatu; beraz, aurtengoa 10 urteetan ospatzen duten lehenengoa izango da.
Boiseko Euskal Etxeko Euzkaldunak taldeak antolatzen du jaialdia. 900 boluntario inguru ari dira lanean jaialdian, eta Eusko Jaurlaritzak diru laguntzak eman ditu partehartzaileen bidai gastuak ordaintzeko. Bertara mugituko dira Jaurlaritzako hainbat ordezkari, Imanol Pradales lehendakaria kasu.
Mundu osoko euskaldunak bilduko dira Boisen, eta haien arteko harremanak sendotzea izango du helburu ekitaldiak. Esaterako, Berriak elkarrizketatu duen argentinar batek zera dio: "Argentinatik etorri berria naiz, eta konturatu naiz euskaldunok zelako sarea eta zelako komunitatea daukagun munduan. Boisen mundu osoko euskaldunak egongo gara, euskal kultura maite duten pertsonak. Batzuk euskal odola daukatenak; beste batzuk, euskaldunak izan barik, errespetuz eta begi onez ikusten dituztenak gure kultura, ohiturak eta gure egiteko formak".
Egitarau zabala izango du jaialdiak
Uztailaren 29tik abuztuaren 3ra musika eta dantza emanaldiak, bertso saioak, herri kirolak, eta euskal plater eta edari tradizionalak dastatuko dituzte beste askoren artean.
Horiei gehitu behar zaizkie parte hartuko duten Euskal Herriko eta AEBetako hainbat musika eta dantza talde. Esaterako, Biotzetik Basque Choir abesbatza, Xabi Aburruzaga trikitilaria, Gatibu, Neomak, Txantxangorriak, Amuma Says No musika taldeak; Onintza Enbeita, Nerea Ibarzabal, Xabi Paya bertsolariak, eta Oinkari Basque Dancers, Boise Oñati Dancers, Boiseko Gazteak, Battle Mountain Oberenak Club, Elko Arinak Dancers, Gauden Bat, Gooding Gazteak, Herribatza Dantzariak, San Francisco Zazpiak Bat, Utah'ko Triskalariak, Arkaitz eta Tio Teronen Semeak dantza taldeak.
Horrez gain, hilaren 31n, herri kirolen erakustaldia egingo dute. Bertan izango dira, Inhar Urruzuno, Mikel Lopetegi Urra, Paulo Azpiazu, Karmele Gisasola Zelai eta Gari Garmendia harri jasotzaileak; Iker Vicente, Mikel Larrañaga, Aitzol Atutxa, Julen Alberdi Txikia IV.a eta Nerea Arruti aizkolariak; Kerman Perez de Heredia eta Nerea Egurrola txinga eroaleak; eta Jose Martin Bustinza Tubi lasto jasotzailea izango dira herri kirolen emanaldietan.
Argentinarra da, baina sustraiek errotzen dute. Euskararekin maiteminduta dago, 25 urterekin ikasten hasi zenetik. Arbasoetako batzuk Euskal Herrikoak zituen, Soraluzekoak eta Azagrakoak, eta bizpahiru urterekin hasi zen Arrecifeseko Euskal Etxera joaten; arbasoa sortzaileetako... [+]
Pilotari famatua izan zen, munduko txapelduna, baina tartean behin baizik ez zuen Euskal Herrian jokatu, Mexikon jaio, hazi eta hantxe bizi baitzen, gurasoak haraxe joanda 1936ko gerratik ihesi. Abertzalea, Mexikoko euskal etxeko presidentea, Jaurlaritzaren aholkularia,... [+]
Euskal kulturaren transmisioarekin jarraitzeko, eta euskal nortasunaz hausnartzeko Argentinako nafar etxeetara bidaiatu dute Ortzadar Euskal Folklore Elkarteko kideek, eta bizitakoa Nafar Haziak dokumentalean jaso dute. Bertan izan da Izaskun Barber de Carlos (Iruñea,... [+]
Udatiarrak alde eginik da Ea. Bakean. Halaxe gustatzen zaio Steve Mendibe Aroztegiri, euskaraz bizi den herria, udakoek dakarten gaztelania arrotza gabe. Kalifornian jaioa, Boisen bizi, amerikarra bezainbat da euskalduna. Bi nazionalitateak ditu, bi erroldak... bihotz bat.
Euskal jatorriko 37 gazte estatubatuar Euskal Herria ezagutzen eta euskara ikasten aritu dira uda hastapenean.
San Frantziskoko Euskal Etxeak 40 urte bete ditu asteburu huntan.
Argentinatik etorri ikaslea da Lazkaoko Maizpide euskaltegian. Harekin batera heldu hamaika ikasleek bi hilabete egin eta itzuli ziren beren herrialdeetara. Harrigarriki, bertan dugu oraindik mailarik handieneko ikaslea, askok baino hobeki dantzatzen duela euskaraz mingaina... [+]
San Vicente barrutia (Argentina), 1934ko maiatzaren 18a. Mathilde Díaz Vélez lurjabeak Buenos Airesetik 40 kilometro ingurura zeuden bere lursailetan Guernica izeneko herria fundatzeko eskaera helarazi zion Buenos Aires probintziako Obra Publikoetako ministroari,... [+]
Bizi hobeago baten bila Ameriketara artzain joan ziren euskaldunen arketipo jakin bat iritsi izan zaigu, normalean literaturaren bidez, erruz lan egin eta euren sorterrira diru apur bat eginda itzuli ziren horiena. Bada beste historia bat maiz kontatzen ez dena: lurralde urrun... [+]
Bidelagun elkarteko ordezkariek irekiko dute Baztandarren Biltzarreko orgen desfilea.
Loiu, 1958. Biologia ikasketak egin zituen EHUn, eta bertan irakasten du egun, Leioako Zientzia eta Teknologia Fakultatean. Saiogile ezaguna da. Zientzia, historia eta Euskal Herria uztartzen ditu bere lanetan. Patagoniara Hazparnen barrena. Lotilandiakoak herri birlandatuan... [+]
