Euskal Herriko zinema aretorik txikiena irekiko du Bergarako Gaztetxeak
"Euskal Herriko zinema aretorik txikienaren" aurrestreinaldia uztailaren 20an egingo du Dynamo zineklubak Eyharts taldearen ikuskizun batekin; Novedades aretoko 18 aulki, oihal originala eta beste zenbait apaindura ditu, zinema areto baten kutsua emateko.
aurre egingo dieten hedabide independenteak
Kartzela zaharreko zortzigarren ziega zena zinema areto bihurtu du azken urteetan gaztetxea bera topaleku izan duen Dynamo zineklubak.
"Euskal Herriko zinema aretorik txikiena" da, 18 eserleku dituena, eta, argazkiak ikusita bergarar askok gogoratuko dutenez, ez dira edozein aulki: 12 urte itxita daroatzan Novedades areto mitikoko eserlekuak dira. "Eraikina bota aurretik, nahi genuena eraman genezakeela esan ziguten eta orduan operatibo guztia jarri genuen martxan. Novedadeskoen eskuzabaltasuna eskertu gura dugu", adierazi du Dynamoko kide Ugutz Basaurik.
Basaurik dioenez, lekualdaketarako elektrizitate-sorgailu bat lortu behar izan zuten, Novedadesen ez zegoelako elektrizitaterik, eta, horrez gain, kamioi bat, rotaflexa eta laguntzarako zenbait lagun behar izan zituzten.
18 aulkiak igotzea, lan nekezena
Aulkiak ziegan sartzea izan zen lanik zailena: "Zazpi aulkiko bi ilara osorik sartzea erabaki genuen, xarma mantentzeko. Eskaileretatik ezinezkoa zen sartzea, eta, orduan, diziplina ezberdinetan adituak diren lagunak fitxatu genituen: eskalatzaile bat, suhiltzaile bat, Udaleko brigadako lagun bat... Izan ere, sabaiko habe bat aprobetxatu genuen aulkiak poleekin eta, betiere, modu seguruan igotzeko", dio Basaurik.
Aurrestreinaldia, hilaren 20an
Zinema areto berriaren inauguraziorako, aurrestreinaldi bat egingo dute uztailaren 20an. Zortzigarren ziega Jokin Guridik eta Alain Carazok osatzen duten Eyharts taldeak erabiltzen zuen entseguetarako, eta aurrestreinaldi horretan kontzertua emango dute ziegan bertan.
Aurrestreinaldi horretarako txartela lortu duten hamazortzi lagunak aukeratuta daude dagoeneko: "Zozketa bat antolatu genuen zineklubeko gastuak finantzatzeko eta zozketa horretako irabazleek ziegarako txartela izango dute. Horrez gain, zineklubekoak eta muntatzen lagundu zigutenak egongo dira; ez dago asko betetzeko, egia esan [Barre]".
Pozik dago Basauri, aurrerantzean toki finko bat izango dutelako: "Zinema areto baten usaina eta guzti dauka dagoeneko [palomitak bertan egiteko makina badute dagoeneko]; pelikula klasikoez gaztetxean bertan gozatzeko aukera izatea ederra da. Gainera, ziegaren izaera ere bere horretan mantendu dugu, ondarea da eta".
Hamabi urte Novedades barik
Dynamo zineklubak azken urteetan izan duen ibilbide gorabeheratsua egonkortuko du aretoak, eta, formatu txikian bada ere, herriko zinemazale batzuen gosea asetzeko balioko du "Badira hamabi urte Novedades itxi zenetik; gu beti hara joaten ginen, Harindondin-en litxarreriak erosi ostean. Ordutik hona, Eibarrera edo hiriburuetara joan behar izan dugu. Ez dakit herrian zinema areto beharrik dagoen edo ez, baina beste xarma bat ematen dio. Eta aukera izatea gaztetxean bertan Novedadesen kutsu nabarmena izango duen areto batez gozatzeko... Sekulakoa da", dio Dynamo zineklubeko kide Unai Garmendiak.
Hasiera batean, pelikula finko batzuk programatuko dituzte; gero, interesa agertzen duen jendearen arabera antolatuko dira.
Azken ukituak bakarrik falta dira
Uztailaren 20an egingo duten aurrestreinaldirako azken ukituak falta dira. Sistema elektrikoa hobetzea, zinema areto baten kutsua emango dioten apainketa batzuk –led argiak jarriko dituzte filma hasi aurreko argiztapen berezia irudikatzeko–... eta Novedades-eko oihal originala jarriko dute. "Benetako areto baten itxura hartuko du; hori bai, formatu txikian", diote.
Albiste hau Goienak argitaratu du eta CC-by-sa lizentziari esker ekarri dugu ARGIAra.
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]