ARGIA.eus

2020ko urriaren 01a
Carles Puigdemont

"Europar Batasunak Kataluniako estatua onartuko luke"

  • Balizko Katalunia independentearen etorkizuna izan zuen hizpide Generalitateko presidente Carles Puigdemontek, Parisko Sciences Po unibertsitatean parte hartu zuen solasaldi batean. Kataluniarrak egiten ari diren bidea defendatu zuen Puigdemontek 200 pertsona ingururen aurrean.

Iosu Alberdi Atxurra @atxurraa
2016ko urriaren 18a
Carles Puigdemont Kataluniako Parlamentuan (Arg.: Kataluniako Generalitatea)

Presidentearen ustez, Europar Batasunak ez luke Kataluniako estatua onartzeko arazorik izango, iraganean beste estatu batzuekin egin den bezala. Puigdemontek Jugoslaviatik 1991n ateratako Eslovenia jarri zuen adibide: “Gogoan dut Jacques Delorsek (Europako Batzordeko presidente ohia) Esloveniaren independentzia inoiz onartuko ez zuela esan eta ondoren Europar Batasunaren barruan amaitu zuela”.

Beste prozesu bat ere aipatu zuen, bigarren independentziarako erreferendumerako bidean hasia den Eskoziara. Puigdemonten ustez beste erreferendum batean eskoziarrek independentziaren alde egingo lukete eta Europar Batasunak bere barruan hartuko luke estatu sortu berria.

Bestalde, arrazoi ekonomikoengatik Espainiako Estatutik alde egitea kritikatzen dutenei erantzun zien: “Egia da estatuak dirua mailegatu digula, baina nazioarteko merkatuetara joan ezin garelako. Gainera gure dirua mailegatu digu”.

Espainiako Estatuak Kataluniako prozesuarekin duen jarrera “buruko min” batekin alderatu zuen, Madrilen jarrera eta negoziatu ezina kritikatuz. Prozesua “egungo Europako iraultza demokratiko indartsuena” dela azpimarratu zuen eta beranduenez 2017. urteko irailean egingo dutela erreferenduma.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Katalunia independentziarantz kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude