Europako Parlamentuak webgunean gehitu ditu Junqueras, Puigdemont eta Comínen fitxak

  • Asteartetik, Oriol Junqueras, Carles Puigdemont eta Toni Comínen fitxak gainontzeko europarlamentarienekin batera aurki daitezke Europako Parlamentuaren webgunean.


2020ko urtarrilaren 07an - 13:38

Europako Parlamentuak Oriol Junqueras, Carles Puigdemont eta Toni Comín europarlamentari gisa onartu zituen astelehenean, eta asteartean beren fitxak igo ditu webgunera. Oraindik fitxak osatzear badaude ere, hiru politikarien izenak aurki daitezke gainontzeko ordezkarien artean.

Europako Parlamenturako maiatzaren 26ko bozetan herritarrek aukeratuta izan ondotik, Junquerasen inmunitatea aitortu zuen Europako Justizia Auzitegiak abenduan; hala bada, bere kontrako zigor neurriak indargabetzat jo ditu.

Iragan astean, baina, Junqueras inhabilitatzeko agindu zuen Espainiako Hauteskunde Batzordeak, PSE eta ERC Pedro Sanchezen presidentzia negoziatzen ari zirela. Europako Justiziak bereari eutsi dio ordea, Espainiako Auzitegi Gorenaren ebazpen faltan. Europako Parlamentuak, esleitu egin zion astelehenean Junquerasi Espainiako Hauteskunde Batzordeak ukatu nahi dion eurodiputatu estatusa.

Carles Puigdemont eta Toni Comín datorren astelehenean bilakatuko dira ganberako diputatu; abenduan behin-behineko eurodiputatu akreditazioak jasota, datorren asteko saioan parte hartu ostean. Gorenaren esku dago Junqueras saio horretan egon ahal izatea.

Europako Justizia Auzitegiak abenduan jakinarazitako epaiaren ondorioz onartu ditu Junqueras, Puigdemont eta Comín europarlamentari gisa Europako Parlementuak. Maiatzeko bozetarako aukeratu zuten Junqueras, eta hargatik prozesu subiranistaren kontrako epaiketan inmunitatea zuela deritzo.

Europako Parlementuaren arabera, Junqueras, Puigdemont eta Comín parlamentu berria osatu zenetik dira eurodiputatu; 2019ko uztailaren 2tik, alegia.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude