Europako Batzordeak Donostiako Uliako Lore-Baratzak ekimen herritarra saritu du

  • Europako Batzordeak (EBren interesak sustatzeko erakundea) banatzen dituen New European Bauhaus saria eman dio Donostiako Uliako Lore-Baratzak ekimenaren Ulia Garden proiektuari. 2015az geroztik, herritarrek Uliako udal-haztegi zaharra berreskuratzeko egindako lanagatik jaso dute “Biltzeko eta partekatzeko leku berrasmatuak” kategoriko saria.  

Argazkia: Uliako Lore-Baratzak

2021eko irailaren 17an - 07:28
Azken eguneraketa: 09:51

Eskuin-ezker borrokatu behar izan dute Udalaren eta beste erakunde batzuen aurka, baina orain lan hori guztia Europako Batzordeak aitortu diotela adierazi dute ekimeneko kideek saria jasotzean, Uliako Lore-Baratzak "biharko Europaren adibide bat" dela diote.

Uliako Lore-Baratzak, Donostiako Ulia mendiaren magalean dagoen auzo-lorategi proiektua da, herritarrek kudeatzen duten udal-landareen haztegi zaharra. Ekimeneko kideen hitzetan "pertsona askoren borondatezko lanaren bidez sostengatuta eta bultzatuta, herritar konprometituen arteko harreman berriak" sortu nahi dituzte, "naturaren zaintza ardatz hartuta".

New European Bauhaus sarietan, Europako 2.000 proiekturen artean, 60 izan dira saria lortzeko hautagaiak, hamar kategoriatan banatuta. Sarien helburuak dira "trantsizio berdea azkartzea eta bizikidetza hobea bermatzea; ezagutza eta esperientzien bitartez ideia eta konponbide berriak sortzeko".

Donostiako kideek Bruselan jaso dute saria.

 


Kanal honetatik interesatuko zaizu: Ingurumena
Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


Nabigazioaren historiaren argazkia

2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]


2024-03-31 | Itxaro Borda
Open Bar

Ikusi ditugu alimaleko traktoredun nekazariak, bideak, zubiak, mugak blokeatzen, eta bihotzak “krak!” egin zigun elkartasunez, geu ere laborari haurrak garelako eta anaiak, oraino, etxaldeak aitzina eramaten tematzen direlako. Manifestariak entzun ditugu normak... [+]


Energia berriztagarria Aragoitik Gatikaraino eramateko linea elektrikoen zama

Energia berriztagarria sortzeko proiektuek aurrera egin ahala, horien elektrizitatea garraiatzeko linea proiektuak ere azaleratzen ari dira. Horietako batzuk, adibidez, Nafarroa, Araba eta Bizkaia zeharkatzen dituzte.


Eguneraketa berriak daude