ARGIA.eus

2020ko urriaren 25a

I+G inbertsioa EAEn, Europako batez bestekoaren azpitik

  • Ekai Center taldeak analisi bat egin du Eustatek kaleratutako Ikerketa eta Garapeneko azken datuekin. %2aren azpitik dago EAEk I+G-ra bideratutako inbertsioa, eta emaitza horiek “ekonomia politika arduragabearen isla” direla adierazi dute Garan argitaratutako artikuluan.

Nerea Ibarzabal Salegi @ibarnere
2014ko azaroaren 24a
Emaitza horiek “ekonomia politika arduragabearen isla” direla adierazi du Ekai Centerrek. (Arg: ypf.com)

2013an %4,1 jaitsi zen EAEko I+G inbertsioa, eta orain Barne Produktu Gordinaren (BPG) %1,99 baino ez du osatzen. Europako batez bestekoa %2,02an dago.

2008tik lehen aldiz jaitsi da EAE ehuneko horretatik.

Garan argitaratutako artikuluan Ekai Centerrek dioenez, espero izatekoa zen emaitza hori eta “krisiaren aurkako gure politika zentzugabeek eragindakoa” dela uste du.

EAEko Zientzia, Teknologia eta Berrikuntza Planaren helburuak ez dira betetzen. 2014an BPGren %2,64 Ikerkuntza eta Garapenera bideratzea espero zen, eta 2015an kopuru hori %3ra iristea.

Eustatek argitaratutako datuen arabera, Espainiaren I+G inbertsioa baxuagoa da, %1,24koa. Ekai Centerren ustez, ordea, hori ez litzateke lasaigarri izan behar: “Gu baino okerrago daudela dakigunekin konparatzen dugu beti gure ekonomia politika”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Ikerketa eta Garapena kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude