Etxebizitza Legearen erreforma arbuiatu dute Nafarroan pobreziaren bueltan ari diren hainbat taldek
Pobrezia eta bazterkeria sozialaren esparruan diharduten Nafarroako hainbat taldek salatu duenez, Nafarroako Gobernua lantzen ari den Etxebizitza Legea iraultzaile gisa saltzen da tituluetan, baina haren letra txikia oso bestelakoa dela.
Merkatu libreak etxebizitzaren prezioa bere gain hartu duela adierazi dute kolektiboek, “gero eta gehiago eskubidea negozio bihurtu duten horiek”. Eta hori salatzeko eta lege berriaren edukiak aldatzeko aldarrikatzeko, haien jarreraren berri eman zuten Nafarroako Legebiltzarraren aurrean, Iruñean, astearte honetan.
Erredakziora bidalitako agirian adierazten dutenez, pobreziaren eta gizarte-bazterkeriaren indizeak neurtzen dituen AROPE azterlanaren arabera, Nafarroan inkestatutako pertsonen %11,4k ezin izan zion aurre egin zegokion garian etxebizitzako gastuen eta hornidura-fakturen ordainketari.
Legean kezkagarri ikusten dituzten hainbat puntu azpimarratu dituzte. Batetik, babes ofizialeko etxebizitza-parkeen jabetza publikoaren gaia dago, mugarik gabe mantentzeko ustezko konpromisoa hartu arren, lege-proposamenaren ondorioz, 21 urteren ondoren etxebizitza mota hori merkatuan sartu daitekeela salatzen dute eta, hortaz, kalifikazio publikoa galdu. Haien ustez, esanguratsua da azken hiru hamarkadetan 29.000 etxebizitza babestu merkatu librera igaro direla.
Erroldatzearen garrantzia
Bestetik, Alokairuen Jasangarritasun Indizeaz ere mintzo dira: “Toki jakin bateko bizilagunek alokairua ordaintzeko erabiltzen duten errentaren ehunekoa kalkulatzen duena, alegia. Tresna hori merkatu libreko prezio neurrigabeak arautzeko eta jaisteko erabilgarria izan daiteke, baina urtero prezioen eta soldaten arabera eguneratu ezean, antzua izango da”. Haien ustez, diru-laguntza asko ez dira egokitzen desabantaila handienak jasaten dituzten pertsonen benetako egoeretara, “eta diruak errentari txikien, bankuen edo putre funtsen eskuetan amaitzen du”.
Azkenik, gizartean zerbitzuak jaso ahal izateko erroldatzeak duen garrantziari ere begiratu diote, eta diotenez, “legeak aurrera egiten badu, administrazio-egoera irregularrean dauden pertsonek ezin izango dute etxebizitza babestuen errolda edo David-Emanzipa laguntzak eskuratu”.
Taldeen ustez, lege hau ez da nahiko etxebizitza bermatzeko eta horregatik, exijitzen dute gutxieneko batzuk bete daitezela, hala nola babes ofizialeko etxebizitzen behin betiko kalifikazioa, etxebizitza publikoen parkea handitzea eta erroldatzea bermatzea.
Honako taldeak ageri dira sinatzaileen artean: hARITU Elkarlaguntza Sarea, Pah-hut Nafarroa, Martes al sol, PARIS 365, Jaki Toki, Txantreako Asanblada Okupa, Pobrezia eta Bazterkeria Sozialaren aurkako Nafarroako Sarea, eta SOS Arrazakeria.
Etxea euskal ohitura zaharretan hildakoen eta bizirik zeudenen espazioa zen. Hilda jaiotzen ziren umeak edo bataiatu aurretik hildakoak kanpoko horma baten ondoan lurperatzen ziren, teilatuaren babesean. Abizenak ere etxe bati lotuta zeuden, etxeak ematen zion izena bertan bizi... [+]
Bederatzi familia etxegabetzeko prozedura judizialak abiatu ditu Pasaiako Portuak, eta bost familiaren aurkako epaiketari ekingo diote ekainaren 30ean, Donostian. Kaleratzeak geldi ditzatela eta bizilagun guztiei bizitoki alternatiba bat berma diezaietela exijitu du Euskal... [+]
Donostiako Parte Zaharreko maizter batek 11 hilabeterako alokairu kontratua bost urterako legezko kontratu bihurtzea lortu du.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Uztailean argitaratuko da behin betiko Estatuko Aldizkari Ofizialean (BOE), eta Hego Euskal Herriko lehen hiriburua da izendapena lortzen.
Elkarteak salatu du okupatutako etxebizitza 1.615.000 euroan erosi zela 2021ean, eta egun 2.980.000 euroAn saltzen dela. Okupazioak iraun bitartean, espekulazioak sortzen dituen arazoez mintzatu dira etxeko egongelan. Balkoian Espekulazioa: biztanleentzat etxebizitzarik ez... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
HAPOn etxebizitza turistikoak arautu eta mugatzeko aldaketa puntual bat egin arte eten egingo da herrian gisa horretako etxe gehiago irekitzeko aukera. Alokabiderekin hitzarmen bat egin duela ere iragarri du udalak, etxe hutsak alokairuan jartzeko.
Euskal Herriko Etxebizitza Sindikatu Sozialistak deitua, milaka lagun batu dira gaur eguerdian Donostian, “etxebizitzaren negozioaren aurka” eta “etxebizitzarako eskubide unibertsalaren alde”.
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Espainiako hedabideetan aurkitu dugu albistea, salaketa egin dutela Fotocasa eta Idealista etxebizitza-atarien kontra, prezioak manipulatzen dituztelakoan. Salaketan ez dugu manipulazioaren deskribapen zehatzik aurkitu, baina Ameriketako Estatu Batuetan agertu den salaketa... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azpeitiko Udalak etxebizitza hutsei ezarritako kanona abian jarri berritan –eta Euskadi osora zabal daitekeela jakinda–, etxebizitza horien jabeen eta eskuineko alderdien kexak irakurtzen eta entzuten hasiko gara. Jabetzarako Eskubidearen inguruko mantra horiek... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.