Aurrekontuetan ezarritakoa baino %33 gehiago bideratu du Espainiak gastu militarrera

  • Utopia Contagiosa talde antimilitaristak kaleratu duen txostenak aditzera eman du Espainiako Gobernuak Estatuko Aurrekontuetan ezarri zuena baino %33 gehiago bideratu zuela gastu militarretara 2014an. Defentsa gastua gizarte zerbitzuetarako bideratutakoa baino 14,73 aldiz handiagoa izan zen eta enplegu sustapenera bideratutakoa baino 245 aldiz handiagoa.


2017ko apirilaren 11n - 12:32

Gastu militarra 5.745 milioi eurokoa izatea aurreikusten zen eta 7.696 milioikoa izan da, hots, 1.950 milioi gehiago. Utopia Contagiosak azaldu duenez, gastu militarrean aurreikusten denaren eta gastatzen denaren arteko desfasea urtero, sistematikoki, ematen da. PSOEren eta PPren gobernuekin gertatu da, baina Mariano Rajoyren gobernuarekin neurriz gaineko joera izan da, kolektiboak azaldu duenez.

Gastu militarra handitzen den bitartean, Gizarte Segurantzari lotutakoa murriztu egiten da. Hona datu batzuk: Estatuaren Defentsarako gastua gizarte zerbitzuetarako bideratutakoa baino 14,73 aldiz handiagoa da, etxebizitza sustapenean inbertitutakoa baino 9,3 aldiz handiagoa, hezkuntza, kultura eta kirolekoa baino 2,72 aldiz handiagoa eta lanaren sustapenera bideratutakoa baino 245 aldiz handiagoa.

Estatuak inbertitzen dituen 3 eurotik bat Defentsara bideratuta dagoela dio txostenak. Beste urte batzuetan bezala, soilik Sustapen Ministerioak gainditu ditu Defentsa Ministeriorako inbertsioak.

IGAEk plazaratutako likidazioaren inguruko datuetan oinarrituta dago Utopia Contagiosaren txostena. IGAEk, baina, ez du gastu militar osoa kontrolatzen, beraz, sail batzuk falta dira.


Kanal honetatik interesatuko zaizu: Antimilitarismoa
Nola obedituko diot eroari

1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.


Bonbak eta munizioa jaurtiko dituzte aste guztian Bardeako tiro poligonoan

Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]


Yurii Sheliazhenko kontzientzi eragozlea libre utz dezala eskatzen diote Ukrainako Gobernuari

Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.


2023-04-05 | Uriola.eus
Abian da gastu militarraren aurkako eragozpen fiskalaren kanpaina

Asteartean hasi dira gerra finantzatzeko onartzen den gastu neurrigabea salatzeko ekintzak, ‘Gastu militarrik ez’ lemapean.


Eguneraketa berriak daude