Espazio berri bat lortu dute Zarauzko gaztetxeko kideek, Putzuzuloren eraisketaren atarian
Alkatetzak lagapen-agiri bat sinatzea lortu dute, eta lan politikoa eta kulturala egiten jarraitzeko espazio bat izatea ziurtatu dute horren bidez. Asanbladako kideek azpimarratu dute "gaztetxean antolatutako indarrek eta bertan egingo den lanak baino ezingo dutela orain paperean dagoen hori bermatu".
Urteak dira Zarauzko (Gipuzkoa) Putzuzuloko kideek gaztetxearen desalojoaren eta eraisketaren mamua gainean dutela. Aurrera doaz Putzuzulo kokatzen den eremuan etxebizitzak eraikitzeko obrak eta, hortaz, duela bi urtetik izan da, "alternatibarik gabe", Zarautz berehalakoan gaztetxerik gabe geratzeko arriskua; "hamaika gazte, eragile eta proiektu elkartzeko eta lan politiko eta kulturala egiteko aterperik gabe geratzeko arriskua. Eta batez ere, bizi-perspektiba gero eta gordinagoa duten belaunaldi berriak antolatzeko espaziorik gabe uztekoa".
Horren aurrean, eta Zarautzek gaztetxea behar du lelopean, borrokaldi bati ekin zioten Putzuzuloko kideek. Luzea izan da herrian gaztetxe bat bermatuta izateko borroka: "asteroko asanbladak, erabakiak, txostenak, negoziazioak, batzarrak, ezusteko albisteak, agerraldiak, kanpainak...". Baina, azkenean, "antolakuntzaren eta borrokaren bitartez", lan politiko eta kulturala egiten jarraitzeko espazio bat ziurtatzea lortu dute: Zarauzko Udalak espazio bat lagako die gaztetxe bilakatzeko, eta lagapen-agiri baten bidez lortu dute udalak horretarako konpromisoa hartzea, hogei urtez gutxienez.
Exijentziak, jasota
Asanbladak hasieratik egindako exijentziak jaso dira lagapen-agiri horretan. Egindako eskaeren artean zeuden, besteak beste; eraikin berriaren kudeaketa eta erabilera asanblaren esku geratzea, asanbladaren jardunak udalarekiko menpekotasunik ez izatea, nahiz etorkizunean ere Zarautzen gaztetxe bat izateko baldintzak jasota geratzea.
Hala, gaur egungo agiriak hogei urteko iraupena izango badu ere, uneren batean eraikin berria eraitsiko balitz, gaztetxea beste leku batera lekualdatu beharko luke udalak, "gaur egungo baldintza berdinetan eta gaztetxearen jardunean etenik ez egoteko moduan".
Antolatutako indarrak
"Badakigu, noski, orain arte bezala, gaztetxean antolatutako indarrek eta bertan egingo den lanak baino ezingo dutela paperean dagoen hori bermatu", adierazi zuten atzo Putzuzuloko kideek: "Jakitun gara gaztetxeen desegonkortasun egoera orokorraz, eta beste behin, argi ikusi dugu antolakuntza eta borroka direla halako espazioak mantentzeko eta zabaltzeko giltza bakarra".
Argitu dute hori guztia ez dela udal edo alkate baten "balizko borondatearen eta merituaren fruitua": "Ezin ahaztu urte luze hauetan guztietan EAJ buru izan duten hainbat eta hainbat herritan jazarri, hustu eta eraitsi dituzten gaztetxeen zerrenda luzea" —EAJrena da Zarauzko alkatetza—.
Hala, Putzuzuloko kideek gogoan izan dituzte, "gu egon garen bezala, desalojo arriskuan dauden gaztetxeak eta bestelako espazioak. Tamalez, luzeegia da zerrenda. Gure babes eta elkartasun guztia gaztetxeei eusteko lanean ari zareten guztioi, eta gure mespretxurik handiena gaztetxeak nahiz okupazioa etengabe erasotzen dituzten sistemaren kudeatzaileei".
Aipatu dute, gainera, "lan gogorra" dutela aurretik orain espazio berria egokitzeko, eta laster emango dutela lan horien berri.
09:00etan Durangoko epaitegi aurrean biltzera deitu dute Kiñuko kideek. Duela bost urte hasi zen Gaztetxearen aurkako prozesua.
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
