Espainiako Gorenak Franco hobitik berehala ateratzeko baimena eman dio Sanchezen gobernuari

  • Auzitegi Gorenak joan den irailaren 24an eman zuen Francisco Franco diktadorea Herorien Haranetik ateratzeko baimena, epai horrekin Pedro Sanchezen gobernuak hartutako dekretuari arrazoi emanez.

ARGIA @argia
2019ko irailaren 30a
Herorien Haraneko Santra Cruz basilika, Franko diktadorea lurperatuta dagoen lekua.

Baina auziak beste itzuli bat izan zuen diktadorearen familiak Madrilgo auzi-administrazioko hirugarren epaitegian jarritako helegitearekin. Familiak argudiatu zuen hobitik ateratzeko lanak kontu handiz egin behar zirela, eta gobernuak ez zuela San Lorenzo de El Escorial udalaren obra baimenik eta, beraz, arrisku handiak zirela arte lanak hondatzeko.

Udalak baimena eman arren, José Yusty Bastarrechea epaileak ez du obrak hasteko baimenik eman, Francisco Franco fundazioaren ingurumariak aurkeztutako txostena oinarri hartuta. Orain, Auzitegi Gorenak esan dio altxa ditzala jarritako trabak, lan hori “ez delako konplexua” eta gainera, Espainiako Gobernuak ez duelako udal baimenik behar obra bat bideratzeko. “Harlauza bat altxatu behar da, gorpuzkinak atera eta zolaketa originala berrezari, horrela basilikako lurra 1975aren aurreko egoerara eramanez”, esan dute goreneko magistratuek.

Franko familiak eta haren inguruneak azken egunetako jarritako era guztietako traba judizialetako bat zen hau, baina Gorenak atzera bota ondoren, pentsatzeko da Espainiako Gobernuak batetik bestera ekingo diola Francoren gorpuzkinak ateratzeko obrari.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Frankismoa  |  Madril

Frankismoa kanaletik interesatuko zaizu...
Azkenak
EGILEA
Eguneraketa berriak daude