Eskaintza sozial eta kulturala garatu nahi dute Baionako Maurizia eraikin okupatuan
Maiatzaren 4an Baionako Santa Izpiritu auzoan abiaturiko okupazioaren berri eman dute hamar bat gaztek aste honetan. Maurizia izena jarri diote guneari eta etxebizitzaren arazoari begira aterabide izateaz gain, proiektu sozial eta kulturala ere dute marrazturik. Herriko Etxearekin harremanetan dira, adostasun batera heltzeko asmoz.
aurre egingo dieten hedabide independenteak
Okupazioaren bidea lehenetsirik plazaratu dute etxebizitzaren arazo larria hamar bat gaztek. Maiatzaren 4an sartu ziren Baionako Santa Izpiritu auzoko eraikin huts batera, eta hortik bi astera publiko egin dute ekintza. Aterpe beharra asetzeko okupatu dute 2015az geroztik hutsik zen eraikina.
Maurizia izena jarri diote guneari. Etxebizitzez gain, eskaintza kultural eta soziala proposatzea dute xede: irrati, kontzertu gela, sukalde, liburutegi ala beste. Horrez gain, urgentziazko etxebizitzak ere nahi lituzkete bertan, eta horretarako Atherbea egiturarekin garatu nahi lukete elkarlana. Izan herritarrekin, zein kolektiboekin, elkartasuna iparrarrotz harturik, elkarlanean eraman nahi dute proiektua.
Herriko Etxearekin harremanetan
Nahiko baikor mintzatu da Euskal Irratietan okupatzaileetariko bat: Herriko Etxearekin harremanetan dira eta adostasun batera heltzea espero dute. Etxe hutsen problematikaren aitzinean, trantsiziozko hirigintza egiten ari direla azaldu dute okupatzaileek prentsaurreko bidez: "Eraikin ala etxe huts bateko proiektua eginarazteko denbora behar denean, leku honen okupatzea".
Alta, okupazioaren berri eman duten egunean berean, maiatzaren 16an, ukan dute Poliziaren bisita. Ezin izan dituzte kanporatu, eraikinera sartzeko orduan ez dutelako aterik hautsi. Justiziako uxer bat ere egon da, eraikinaren jabe den EPFL Lurraren egitura publikoko ordezkari batekin. Okupazioa konstataturik, kanporatze prozedura legala abiatuko dutela jakitera eman dute.
2015az geroztik hutsik da eraikina. Aturri ibai eskuinaldea proiektua martxan jarriko duela iragarri zuen Baionako auzapez Jean-Rene Etxegaraik apirilaren 24an. Baionako geltoki inguruetako auzoaren geroa gogoetatzen dabiltza, eta herritarren iritziak bildu nahi ditu Herriko Etxeak. Hori horrela, Maurizia gunerako landuriko proiektu sozial eta kulturala ezagutarazteko determinazioa dute okupatzaileek.
Baionako Herriko Etxearen jabetzapean, eraikinak bost urte daramatza hutsik, eta espazio hori hartu du Ipar Euskal Herriko Kontseilu Sozialistak, “elkartzeko, kolektiboki pentsatzeko eta borrokak antolatzeko”.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Tentsio uneak bizi ahal izan dira ostegun eguerdian Donostiako Udaletxeko udal batzar aretoan.
21 Zabalgunea udal soziatateak desalojo data ezarri diela jakinarazi dute Alde Zaharreko espazio okupatua kudeatzen duten Auzoan Bizi etxebizitza sareak, Herrizoma elikadura sareak eta Zaharraz Harro jai herrikoiak. Korda “defendatuko” dutela adierazi dute.
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Hainbat okupazio "sinboliko" egin ostean, dozenaka lagun Urgulleko Guardetxean sartu dira eta garbitzen eta txukuntzen ari dira, ekitaldi kulturalak antolatzeko.
Beste bizi eredu baten alde eginez, hainbat belaunaldik ikasteko, antolatzeko, esperimentatzeko eta trebatzeko aukera izan dute Lakaxitan bi hamarkada hauetan zehar. Gazte belaunaldi anitz ikusi ditu gaztetxeak, eta Jaion bestan, oraingo gazte mugimenduko kideak ez... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.