Errefuxiatuen eskubideen aldeko martxak egin dituzte euskal hiriburuetan
Ehunka lagun atera dira kalera Hego Euskal Herriko hiriburuetan errefuxiatuen eskubideak defendatzera. Hirugarren urtez jarraian, “Europar Batasunaren politika ankerrak” salatu dituzte eta urteotan egoerak okerrera egin duela nabarmendu dute antolatzaileek.
Europako agintariei ez ezik, “gertuagoko” arduradunei ere mezua luzatu diete, jarrera bera dutela iritzita. Giza eskubideen errespetuarekin kezkatu beharrean, “gerraren negozioarekin aberasten eta mugak zaintzearekin” arduratuta egotea egotzi diete.
Europa inoiz baino espetxeagoa dela adierazi dute eta egoerak nabarmen egin duela okerrena. Mediterraneoa “hobi komun bat” dela esan dute, besteak beste. Atxiloketa guneak gero eta beteago daudela ohartarazi dute, azpimarratuz bertan dauden pertsonek bizi hobeago bat baino ez dutela nahi.
Iruñeko manifestazioan, esaterako, errefuxiatuen ihesaldi bat irudikatu dute. Horrez gain, Europara iristen direnean aurkitzen dituzten hormak behera bota dituzte, harrerak nola izan beharko lukeen islatzeko.
Donostian, aldiz, Juantxo Dominguez Bienvenidos Refugiados erakundeko bozeramaileak egoera oso larria dela berretsi du eta giza eskubideen aurka egitea egotzi dio Europari. “Bizi dugun une historiko honetan ez gara konturatzen Europako gobernuak gizaki orok dituen oinarrizko eskubideen eta askatasunen aurka egiten ari direla”.
Bilbon Udaletxe aurretik hasi eta San Frantzisko auzoraino egin dute manifestazioa. Gainontzeko deialdietan bezala, giza eskubideen aurka Europar Batasunak hartutako neurriak “zentzugabeak” eta “hiltzaileak” direla nabarmendu dute.
#NoUEFortaleza #NosMovemos25F @Caravana_AF @MugakZabalduz pic.twitter.com/Ls5vIGOf2B
— RefugiadxsGipuzkoa (@onetergi) February 25, 2018
Kalejira aldarrikatzailea Gasteizko erdigunean zehar. Europa gotorlekutik EZ!!#18o25 #25F18
📢Arazoa kalera ateratzen pic.twitter.com/uwkcCCVJnN
— OEE Araba (@ArabaOee) February 25, 2018
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]