Errefuxiatu krisi globalak ez dauka oporrik

  • Ekialde hurbileko nahiz ipar Afrikako zenbait gatazkak Europako migrazio krisia larriagotu du. 2015. urtea hasi zenetik  264.500 etorkin iritsi dira Mediterraneotik, NBE-ren arabera. Urteko lehen zazpi hilabeteetan Europara iristeko bide arriskutsuena bihurtu den Mediterraneo itsasoan 2.300 lagunetik gora hil dira. Hala ere, beste hainbat aldagai daude:

Martin Mendizabal Garai @mendigarai
2015eko abuztuaren 21a
Urtea hasi zenetik 124.000 etorkin iritsi dira Greziako irletara, gehienak Siria eta Afganistanetik

Mazedonia Emergentzia egoeran

Mazedoniako gobernuak Emergentzia egoera deklaratu du. 2.000 pertsona baino gehiago iristen dira egunero Mazedoniako mugako herri Gevgelijakora.

Errefuxiatuentzat iristen den laguntza eskasa Gurutze Gorriak eta talde humanitario pribatuek hornitzen dute.

Etorkinak herrialdera iristean izena eman behar dute eta 72 orduko denbora tartea dute herrialdean zehar ibiltzeko. Horietako askok baimen hori gabe Alemania edota Ipar Europara bidean jarraitzen dute.

Joan den asteazkenetik Grezia eta Mazedoniaren arteko Gevgelija muga itxita dago. Zenbait iturriren arabera azken bi hilabeteetan 40.000 pertsona pasa dira bide honetatik.

Hungariak hesi bat eraikiko du

Balkanetatik Mendebaldeko Europara iristeko beste bide bat Hungariatik pasatzen da. Egunero 1.000 eta 1.500 lagunek zeharkatzen dute igarobide hau.

Uztailean Hungariako Gobernuak iragarri zuen 175 kilometroko luzera duen hesia eraikiko zuela Serbiako mugan. Hesia zeharkatzeagatik zigorrak gogortuko ditu herrialde balkaniarreko Gobernuak. Igarobidea ilegalki zeharkatuz gero, lau urteko kartzela zigorra jasotzeko arriskua dago.

Azken asteetan trafikatzaile ilegalak biderkatzen ari dira. Mafiek Belgrado,Serbiako hiriburutik Austriarako bidea egiteagatik 1.500 euro eskatzen dituzte, Der Spiegel egunkari alemaniarraren erreportaje batek aditzera eman denez. 

Caption

Eslovakiak soilik errefuxiatu siriar kristauak onartuko ditu

Europar Batasunak Siriako gatazkatik ihes egiten duten 40.000 errefuxiatuen banaketa egin du EBko herrialde desberdinetan

Eslovakiari Italia, Turkia eta Greziako errefuxiatu kanpalekuetan dauden 200 lagun hartzea egokitu zaio. Siriar kristauak onartuko ditu, musulmanak baztertuaz. Estonia, Letoniak eta Poloniak ere erabaki berdina hartu dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Errefuxiatu krisi globala  |  Eslovakia  |  Hungaria  |  Mazedonia

Errefuxiatu krisi globala kanaletik interesatuko zaizu...
2019-02-15 | Irutxuloko Hitza
Donostiako autobus geltokian atzerritarrei pasaportea eskatzen dietela salatu dute

Donostiako Harrera Sareak eta SOS Arrazakeriak salatu dutenez, autobus geltokian pasaportea eskatzen diete atzerritarrei bidaiatzeko. Estatu barruko leku batera nahiz Schengen eremuko beste estatu batera doazenean ere eskatzen diete. Autobus konpainien jokabidea da salatu dutena. “Hemen ez dago halako araudirik; beraz, autobus konpainiek hartutako erabaki bat da», esan du Peio Aierbek, Gipuzkoako SOS Arrazakeriako kideak. 


1.595 pertsonak eskatu zuten asiloa iaz Araba, Bizkaia eta Gipuzkoan, CEARek salatu duenez

CEAR kexu da Espainian inoiz baino asilo-eskaera gehiago egon diren urtean, 54.000, aldeko ebazpenen portzentajea % 35etik % 24 murriztu delako. Astearte goizean, Iheslariak Laguntzeko Espainiako Batzordeak (CEAR),prentsaurreko batean, 2018an Espainiako Estatu osoan erregistratu ziren asilo-eskaeren datuak aurkeztu ditu.


Muga baino, helmuga
Azken sei hilabeteetan, 5.500 pertsona artatu ditu Irungo Harrera Sareak. 2.000 gurutze jarri ditu Sortuk Donostiako Kontxa hondartzan, iaz Mediterraneoan itota hil zirenak bezainbeste.

Manifestazioa deitu dute Donostian iganderako "Inor ez da ilegala" lelopean

Manifestazioa deitu dute otsailaren 3rako Donostian "Inor ez da ilegala" lelopean. "Migrazioak ohiko fenomenoa direla jakitun gara, baina 2018an ikusi dugunarekin aurrera begira modu iraunkorrean gure herrietan eragin nabarmena izango duen gertaera dela uste dugu".


2019-01-22
Napolitarrek itsasoan dauden migranteei zuzendutako eskutitzak
MULTIMEDIA - bideo herrikoia

Napoliko herritarrek itsasoan dauden migranteei zuzendutako eskutitzak jaso zituzten Fanpage.it hedabidean. Edukia ikusita, herritarrak jarri zituzten beren mezuak irakurtzen eta emaitza ondorengo bideoa da.

Itzulpena: Eneritz Arzallus


2019-01-13 | Axier Lopez
Artea Herriko Benta
Mugalarien Artea

Erroldak dio 750 lagun bizi direla Bizkaiko Artean, Arratiako paisaia berdez eta erro zaharreko baserri eta dorretxez inguratua. Plaza txikia bezain bizia du. Txoko batean, Mauriziaren irudiaren aurrean, kontu kontari ari dira herriko zaharrenak. Alboko dendan, Xsaqarik diotso arropa konpontzen diharduen emakumeak nebari. Aurrean dute haur aljeriarra, lagun georgiarra txirristatik noiz jaitsiko. Eta tabernan, kide amazigak egindako ogia pasa dio zerbitzari perutarrak sukaldari mexikarrari,... [+]


Burokraziak zenbaki bihurtuta

Ehunka lagun kalean lotan. Gauak bata bestearen atzetik. Hotza eta euria lagun. Gisa horretan asteak pasatzen ari dira Madrilen ehunka migratzaile. Asilo eskaera bideratzeko bere txanda noiz helduko denaren zain. Ume, heldu zein adineko. Egunero Espainiako Poliziak pertsona bakan batzuk baino ez ditu artatzen, gainerakoak kale gorrian utzirik. Burokrazia eta gizatasuna. Konpondu ezinezko bikotea. Irudian: Bi lagun, gauari aurre egiteko prest, plastikopean atertuta.


Ikusezinak

Beren begiradak, bisaiak, eskuak dira ikusezinak. Baina baita beren zauriak, ametsak eta historiak ere. Isilpeko siluetak. Emakume, gizon eta ume tankerako mantak. Begien bistakoaren parte, inork ikusten ez duen horrena.


2018-11-16 | Ainhoa Bretos
European migration policy has been criticised by a "People's Embrace"

The event will take place on May 5th, and the intention is to show solidarity which is often hidden from view. A symbolic gesture will be used to that end: the embrace.


2018-11-12 | Ainhoa Bretos
Europako migrazio politikak salatzeko "Herrien besarkada" ekimena aurkeztu dute Artean

Maiatzaren 5ean egingo dute ekimena, sarri “ezkutuan” geratzen den elkartasuna ikusarazteko asmoz. Horretarako elementu sinboliko bat erabiliko dute: besarkada


Eguneraketa berriak daude