Generalitateak atzerrian bizi diren katalanen errolda egitearekin zerikusirik duten pertsonak eta Erreferendumaren Itun Nazionalaren webguneaz arduratzen direnak galdekatu ditu.
Denera sei bat pertsona eraman dituzte Gàciako Zeharkaleko Guardia Zibilaren koartelera, denak lekuko gisa deklaratzera. Neus Monté Generalitateko Sailburuak eraman behar zuen hasieran Erreferendumaren Itun Nazionalaren weba, baina azkenean enpresa pribatu batek bideratu du. Beste enpresa bat arduratu da atzerriko katalanen errolda osatzeko komunikazio kanpainaz, eta horkoa da galdekatuetako beste bat.
Iragan martxoan Kataluniako Fiskaltza Nagusiak erreferenduma ikertzeko lanak abiarazi zituen, baina Kataluniako Justizia Auzitegi Nagusiak jakinarazi du auzia daraman epaileak ez duela galdeketak egiteko agindurik eman. Hala ere, zehaztu dute Guardia Zibila polizia judiziala dela eta egoki ikusten dituen gaiak bere kabuz iker ditzakeela.
Erreferendumaren inguruan gero eta gai gehiago ari da pilatzen eta, esaterako, zeresan handia ematen ari da Generalitateak 20.000 hautetsontsi egiteko ireki zuen lehiaketa publikoa hutsik gelditu izana. Carles Puigdemont presidentearen esanetan, hautsontziak egiten dituzten enpresek presioak jaso dituzte lehiaketan parte har ez dezaten.
Edozein kasutan, hautetsontziena baino arazo gehiago izango ditu gobernuak bestelako gai batzuekin, esaterako errolda, behatzaileak edo funtzionarioen inplikazioarekin. Hautetsontziei dagokienez, kanpotik ekartzea edo Katalunian bertan egitea ez litzateke arazo handia. Vilawebeko artikulu honetan, esaterako, Txinatik 20 egunetan 8.000 hautetsontzi nola ekar daitezkeen azaltzen da.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]