Hauteskunde Batzordearen erabakia jakin aurretik Otegik berak EiTBri adierazi zion “ez dugu planteatuko izen alternatiborik, inondik inora ere ez, ez duguna onartuko da Espainiako Estatuak esatea [hautagaiak] zein izan daitezkeen eta zein ez; juridikoki eta legalki egin ahalko du, baina uste dugu politikoki koherentea dena nire figura kandidatura horretan mantentzea dela”. EH Bilduko abokatuek helegitea jarri dute jada Batzordearen erabakiaren aurka.

Iñigo Urkullu EAEko lehendakari eta EAJko hautagaiak azpimarratu du “ezker abertzaleak bere aukera izan du hautagaia aukeratzeko, eta Otegiren kasuan helegitea aurkezteko” eta orain “epaitegietako bidea” jorratu behar dela adierazi du.

Itxaso Atutxa EAJren Bizkai Buru Batzarreko presidentearen esanetan “euskal herritarrek erabaki behar dute Otegi Eusko Legebiltzarrean egon behar den ala ez”. EAJk “Bateragune auziko kondenak kritikatu” zituela erantsi du, “eta alderdi guztiak, baita Otegi ere, askatasunez eta aukera-berdintasunez aurkeztu ahal izatearen alde egiten dugu”.

PSE-EEk adierazi du “Hauteskunde Batzordeak esandakoa errespetatzen” duela eta Twitter bidez zabaldutako mezu batean azaldu dute “ez dugu onartuko [hauteskunde] kanpaina Otegiren ingurukoa izatea, edota Espainiarekiko borroka ala kontsultaren ingurukoa”.

Alfonso Alonso irailaren 25eko hauteskundeetarako PPko hautagaiaren iritziz “[Otegi ezin da hautagai izan] hori galarazten duen sententzia bat dagoelako, Zuzenbideak galarazten duelako, eta etikak hori esaten duelako”. Hauteskunde Batzordeak harturiko erabakiarekin ados agertu arren Otegiren hautagaitzaren aurkako inpugnazioa aurkeztuko duela adierazi du Alderdi Popularrak.

Nagua Alba Ahal Duguren EAEko idazkari nagusiak eta Pili Zabala koalizioko lehendakarigaiak bat egin dute eta euren aburuz Batzordeak ez du asmatu Otegiren inguruko auzian: “Giza eskubideekin konpromisoa duen euskal gizarte heldu batek ez du salbuespen legediaren tutelarik behar”, adierazi dute.

Es la sociedad vasca quien debe elegir o no a sus representantes, no necesitamos tutelas de nadie. https://t.co/4dXHKCY0pd

— Nagua Alba (@NaguaAlba) 24 de agosto de 2016

Giza Eskubideekin konpromezua duen euskal gizarte heldu batek ez du salbuespen legediaren tutelarik behar. https://t.co/UDl850fG4d

— Pili Zabala (@pili_zabala) 24 de agosto de 2016

Babesa sare sozialetan

Beste hainbat alderdik euren babesa azaldu diote Otegiri sare sozialen bidez, BNG Galiziako Bloke Nazionalistak, Kataluniako CUPek eta Unidos Podemoseko Pablo Iglesias eta Alberto Garzonek, besteak beste.

Impedir a participación de Otegi nas eleccións é negar a democracia. O soberanismo, o voto que lles doe! @ehbildu pic.twitter.com/1LGHWAyKtG

— BNG (@obloque) 24 de agosto de 2016

Prou apartheid polític.

Tots els drets per @ArnaldoOtegi https://t.co/EQ4zBHa9R3

— CUP #sensepor (@cupnacional) 24 de agosto de 2016

Deben ser los vascos y vascas los que decidan quién les representa en su parlamento. Mala noticia si se confirma https://t.co/fei90CPEL4

— Pablo Iglesias (@Pablo_Iglesias_) 24 de agosto de 2016

Me parece una enorme cacicada impedir que Otegi pueda presentarse a unas elecciones. Impropio de un país que se dice democrático.

— Alberto Garzón (@agarzon) 24 de agosto de 2016