Eragile ugarik babesa eta eskerrak eman dizkiote Usurbilen trenak zauritutako ekintzaileari
Mozal Legearen kontrako ekintzan zauritutako lagunarekin lotura zuten eragile norbanako ugarik prentsaurrekoa egin dute Donostian; elkartasuna eta eskerrak adierazi dizkiote egindako ekimen bakoitzagatik, eta desobeditzen jarraitzeko deia zabaldu dute.
Ekintzaileak bere ingurunea eta mundua eraldatzeko duen konpromisoa azpimarratu dute Bulebarrean bildutako 28 eragileen ordezkari eta norbanakoek, eta erantsi dute ez dituela harritzen “gu guztiok izan eta adierazteagatik zigortzen gaituen” Mozal Legearen kontrako Usurbileko ekintzan parte hartu izana.
“Guztion eskubideen alde eta zapalkuntzak gainditzeko lanean” ibiltzeagatik eskerrak eman dizkiote.
“Hamaika ekintza desobediente egiten jarraitu beharko dela” esan dute, eta ostiralean 19:00etan ekintzailearen aldeko eta Mozal Legearen kontrako kontzentrazioa deitu dute. Bestalde, berriz eskatu diote edozein langileri halako ekintza baten aurrean jarrera “proaktiboa eta ez oztopatzailea” eduki dezan, “jakinik ekintza horien zentzua langile eta jendartearen interesen aldekoa dela”.
Ondorengo eragileek hartu dute parte prentsaurrekoan:
- Donostialdeako Stop Desahucios
- Ekonomia kritiko taldea
- Herri Unibertsitatea
- Urgullpeko gazteak
- Alde Zaharreko jai batzordea
- Ernai
- Haraino Astialdi taldea
- Ikasle Abertzaleak
- PREST
- Eleak-Libre
- Donostialdeako Okupazio Bulegoa
- Gite/Ipes
- Askapena
- Arrano Beltza Elkartea
- Herria Kultur Elkartea
- Satorralaia
- Leioatik proiektu komunikatiboa
- Ugaoko gazte asanblada
- Donostiako Bilgune Feminista
- Aullido Libertario
- AAM
- LAB
- CNT Gipuzkoa
- GKK
- Sortu
- EH Bildu
- Podemos
- PCPE
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]