Epaiketan "defentsarako eskubidea urratu" dietela salatu du Errotxapeako Gaztetxeak

  • Auzia epaile berri baten esku geratu ondoren, onartuta zeuden froga eta testigantza guztiak ukatu dizkietela nabarmendu dute Errotxapeako Gaztetxeko kideek. Sententziaren zain daude, baina ziurtatu dute proiektuaren alde lanean jarraituko dutela.

Errotxapeako Gaztetxearen aldeko elkarretaratzea, Iruñean.
Artikulu hau CC BY-SA 2.0 lizentziari esker ekarri dugu.

2021eko urtarrilaren 13an - 16:30

Astelehenean izan zuten Iruñean (Nafarroa) Errotxapeako Gaztetxearen aurkako epaiketa. Hiru kide epaitu zituzten, eta Errotxapeako Gaztetxeko kideek salatu dute "haien hitza entzun gabe" eta lau urtez luzatu den instrukzioan "aurreratutako guztia baliogabetuz" gauzatu dutela judizioa. Izan ere, epaile aldaketa baten ostean, ahozko saiorako onartuta zeuden froga eta testigantzak atzera bota dizkietela azaldu dute, "gure defentsarako eskubidea urratuz".

Epaiketa burututa, edozein unetan irits daiteke kostu judizialen eta desalojo agindu baten inguruko epaia. Auzia sustatu duen batzarrak gaztetxea eta inguruko eraikinak eraitsi eta etxebizitzak eraikitzeko asmoa du. "Berriro ere agerian geratu da bizi garen sistema kapitalistaren helburua, espekulazioa eta jabetza pribatua lehenetsiz desjabetuon beharrak asetu eta proiektu komunitario bat lortzeko bidearen aurrean". Gogora ekarri dute, halaber, ehunka etxebizitza huts dituztela auzoan.

Elkartasuna agertu dieten guztiei eskerrak emateaz gain, lanean jarraituko dutela ziurtatu dute: "Gaztetxea defendatzeko prest gaude, auzoan horrelako espazio bat beharrezkoa dela argi dugulako".


Kanal honetatik interesatuko zaizu: Gaztetxeak
Zestoako gaztetxea husteko agindua eman du epaileak

Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.

 


Bi gazte epaitu dituzte asteazkenean Zestoako gaztetxearen okupazioagatik

Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]


2024-01-23 | Gedar
Zestoako Gaztetxearekin elkartasunez, Eliza seinalatzen jarraitzen dute

Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.


Zarauzko gaztetxean lapurreta egin dutela salatu dute

Kontzertuetarako materiala eta baliozko tresnak eraman dituzte.


2023-09-12 | Ahotsa.info
Ez Dago Hilda festibala urriaren 28an ospatuko da Berriozarren "eszena autogestionatuarentzat" lokal bat helburu

Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.


Eguneraketa berriak daude