Eleak-Librek Usurbileko ekintzaren zilegitasuna aldarrikatu eta zigorrik ezarri ez dezaten eskatu du

  • Eleak-Libre mugimenduak prentsaurreko jendetsua egin du igande arratsaldean Usurbileko gertakariak azaldu, ekintzaileari elkartasuna adierazi eta halako ekintzen zilegitasuna aldarrikatzeko.

Lukas Barandiaran San Roman
2017ko maiatzaren 15a
Eleak-Librek Donostian egindako prentsaurrekoa.

Ehundik gora pertsona bildu dira Donostiako Bulebarrean Usurbileko gertakarien harira prentsaurrekoa emateko.

Azaldu dute ekintzaileen asmoa zela “Mozal Legeari EZ!” mezua idazteko salaketa ekintza egitea. Horretarako, trenak Usurbileko geltokian egin ohi duen geldialdia aprobetxatu nahi zuten, eta pintaketa amaitu arte trena joan ez zedin horietako bat trenaren aurrean jarri zen. Trenak, ordea, aurrera egin zuen, eta ekintzailea harrapatu zuen.

Ekintzailea eta bere sendiari elkartasuna adierazi diote, eta Mozal Legearen kontrako ekintzaren zilegitasuna aldarrikatu dute. Azpimarratu dute gutxienez 11.000 aldiz aplikatu dutela Mozal Legea Hego Euskal Herrian azken 20 hilabeteetan, nahiz eta bi parlamentu autonomikoak legearen aplikazioaren kontra azaldu diren.

Usurbileko ekintza zilegi delakoan, bi eskaerarekin amaitu dute prentsaurrekoa. Lehena, ez diezaietela ez ekintzaileari, ez ekintzan zeuden gainontzekoei inongo zigorrik ezarri. Eta bigarrena, dei egin diete Euskal Herriko langile guztiei ekintza sozial baten aurrean ekintzaren aldeko jarrera eduki dezaten, edo gutxienez ez dezatela oztopatu.

Hona prentsaurrekoaren bideoa:

Hona irakurritako oharrak:

EKINTZAILE SOZIALAREN ESKUHARTZEA

1.- Atzo Usurbilgo tren geltokian Mozal Legea salatzeko prestatu genuen ekintza zuzena burutzen ari ginela, trenak Martin harrapatu eta larriki zauritu zuen: femurra eta pelbisa hautsiak; orno bat pitzatua; bi saihets-hezurrek birika kaltetua, buruko buru-hezurra pitzatua... Ekintza sozialaren eremuan kokatutako istripua izan da, beraz, zenbait hedabidek estali duten arren.

2.- Gure asmoa, Donostiatik Bilbora joaten den trena, Mozal Legearen aurkako mural ibiltaria bihurtzea zen, “Mozal Legeari EZ” mezua bide guztian, geltoki guztietan eta bidaiari guztien aurrean aldarrikatzeko.

3.- Honakoa da gertatutako:

Pentsatu bezala, Donostiatik zetorren trena normaltasun osoz azaldu zen Usurbilgo geltokian eta baita bertan gelditu ere, bidaiariak uzteko eta jasotzeko. Geldiune hori aprobetxatu nahi izan genuen trena mural bihurtzeko pintaketa azkarra egiteko. Bi minutuz luzatuko zen, lan horretan genbiltzan bitartean eta Martin trenaren aurrean jarri zen, trenaren pintaketa amaitu aurretik trena martxan jar ez zedin. Baina bat-batean, oraindik trena margotzen ari ginela, trena martxan jarri zen  eta aurrean zegoen Martin andenaren eta trenaren arteko zuloan korapilatua harrapatu zuen eta arrastaka eraman zuen andena bukatu arte, larriki zaurituz. Hori da gertatu zena.

4.- Atzokoa, herri honek behin eta berriz arbuiatu duen Mozal Legearen aurkako salaketa ekintza  izan zen, salaketa sozial guztiak bezala, erabat zilegi dena, eta nola ez, beharrezkoa, Mozal Legeak indargabetu gabe jarraitzen baitu .

5.- Atzoko ekintza zuzenean parte hartu genuenok Martini eta bere familiari gure elkartasuna eta animorik beroena bidali nahi diegu, argi eta garbi esanez, guk ere egingo genukeela.

Milesker.

 

ELEAK-LIBREren HIZARTZEA

Hau da Eleak-Libre Dinamikatik atzoko gertakarien inguruan adierazi nahi duguna.

1.- Lehenik eta behin gure elkartasunik handiena Martin ekintzaile sozialarekin eta bere sendiarekin, eperik motzenean berriz kalean ikusteko gogoz gaude guztiok. Bere beharra dugu.

2.- Atzo gertatutakoa, Hego Euskal Herrian azken bi urteetan, gure eskubide zibil eta politikoak 11.000 aldiz bortxatu dituen Mozal Legearen aurkako ekintza izan zen. Izan ere, Hego Euskal Herriko instituzio nagusiek, besteak beste, bi parlamentu autonomikoek, behin eta berriz adierazi dute Mozal Legearen aurkakoak direla eta baita honen aplikazio baztertu behar dela ere. Hala ere, azken 20 hilabeteotan 11.000 euskal herritar baino gehiago izan dira zigortuak.

Gure interbentzioa bi dei eginez amaitu nahi dugu:

a) Dei egiten diogu Jaurlaritzako Barne Sailari ez diezaiela inolako zigorrik edota isunik ezarri ez Martini, ezta atzoko Usurbilgo ekintza zuzenean parte hartu edo identifika ditzaketen ekintzaile sozialei ere. Euskal Herriko gehiengoak arbuiatzen duen Mozal Legearen aurkako mezua zabaltzea legitimoa ez ezik, beharrezkoa ere badelako. Horretaz gain, mezu hori zabaltzea erabaki zutenak babestea ere, guztion ardura izango da.

b) Eta bestetik, dei egiten diegu Euskal Herriko langileei, nonahi lan egiten duelarik ere, bai fabriketan, bai poligonoetan, bai garraioetan, bai hezkuntza ala unibertsitatean edota enpresen bulegoetan, ekintzaile sozialen ekintzen aurrean jarrera proaktiboa izan dezaten, salaketa soziala oztopatu beharrean, bertan parte har dezaten edo garatzen utzi dezaten behintzat, eskubide zibil eta politikoak guztionak direlako, baita beraienak ere.

Eskubide zibil eta politikoaren eremuan, elkartasunetik konpromisora pasatzeko garaia da.

Mila esker

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Mozal legearen mehatxua  |  Donostia

Mozal legearen mehatxua kanaletik interesatuko zaizu...
Maravillas auziko epaileak dio kasua ez zela bide penaletik eraman behar

Epaileak kasua artxibatzearen arrazoia esplikatu du asteartean publiko egin duen idatzi baten bidez. Isunak iritsi daitezke auziarekin lotuta, baina ez dirudi atxiloketarik izango denik.


2018-06-29 | Nahia Ibarzabal
"Muralak zentsuratu badituzue ere, mezu askatzaileak zabaltzen jarraituko dugu Sopelan"

Sopelako mural politikoen topaketan egindako muralak zentsuratu dituztela eta, zenbait kolektibok zentsura salatzeko protestara deitu dute larunbatean 20:00etan Sopelako Sanpedro txosnagunean.


2018-06-29 | Nahia Ibarzabal
"Mozal Legearen indargabetzea eskatzeko unea da"

Mozal Legearen aurkako enkartelada ibiltaria antolatu du Eleak-libre mugimenduak beste hogei eragilerekin batera. Larunbatean 19:00etan irtengo da Donostiako Bulebarretik.


Isun berria jaso dut

Isuna jaso berri duzu etxean. Beste isun bat, bakardadea, inpotentzia, ezjakintasuna ...  Bat-batean gogora etorri zaizu duela hilabete batzuk zure eskubide zibil eta politikoan praktikan jartzeagatik, protesta batean parte hartzeagatik, kalea hartzeagatik ...  gertatutakoa. Armatutako polizia gerturatu zen zu identifikatzera. Poilizia, Mozal Legearen bidez epaile bihurtutako polizia. Segurtasunaren izenean isuna jarri zizun, eta gaurkoan iritsi zaizu.


2018-06-04 | ARGIA
Aiuri Antiespezistak eta Eleak-Librek salatu dute
"Mozal Legea aplikatu digute eta gure borroka nahiak piztea besterik ez dute lortu"

Aiuri Antiespezistako militanteek, Eleak-Librerekin batera, prentsaurrekoa eskaini dute Ermuko plazan ostiral arratsaldean, erresistentzia pasiboa erabiltzeagatik Mozal Legea aplikatu dietela salatzeko. San Tomas egunean Donostian Ursula txerriaren erakusketa galarazten saiatuz, Askekintzak antolatutako ekintzan parte hartu zuten Aiuriko hiru kidek zigorra jaso dute.


2018-05-30 | ARGIA
Francisco Molero gazte andaluziarra kartzelaratu dute, "Kongresua inguratu" ekimeneko protestengatik

Bost urteko kartzela zigorra eta 16.000 euroko isuna ezarri diote, Espainiako “Kongresua inguratu” ekimenean izan ziren protestetan aginteari eraso egitea eta lesioak eragitea egotzita. Asteazkenean zeukan ezarrita Molerok kartzelan sartzeko eguna, eta SAT sindikatu kide ere badena bere kabuz aurkeztu da Archidonako (Malaga) espetxean.


2018-05-29 | Hala Bedi
Gasteizko Udala ez da Mozal Legearen aurkako konpromisoan berretsi

Maiatzaren 25eko osoko bilkuran hiru puntu eskatu dizkio Eleak/Libre mugimenduak Gasteizko Udalari eta bertako ordezkari politikoei, “herritarron eskubide zibil eta politikoak errespetatuak izan daitezen eskatzeko”. EAJ eta PSE kontra azaldu dira.


Lanean ari diren soldaduei argazkiak atera eta grabatzea debekatu nahi du Israeleko Parlamentuak

Israelera iritsi da Mozal Legea. Bertako Parlamentuak, Knesset-ak, ostegunean erabaki zuen soldadu israeldarrak lanean ari diren bitartean argazkiak atera eta bideoak grabatzea galaraziko duen legea eztabaidatuko duela. Neurri hau Avigdor Lieberman herrialdeko Defentsa Ministro eskuindarrak proposatu du.


2018-05-25 | Hala Bedi
Gasteizko Udala ez da Mozal Legearen aurkako konpromisoan berretsi

Maiatzaren 25eko osoko bilkuran hiru puntu eskatu dizkio Eleak/Libre mugimenduak Gasteizko Udalari eta bertako ordezkari politikoei, “herritarron eskubide zibil eta politikoak errespetatuak izan daitezen eskatzeko”. EAJ eta PSE kontra azaldu dira.


2018-05-15 | Joseba Alvarez
Inboluzioaren mozala

Azken hilabeteotako gertakariek argi eta garbi erakutsi dute Eskubide Zibil eta Politikoei aurre egiteko nolako tresna errepresibo garrantzitsua eta indartsua den Mozal Legea (eta Zigor Kode berria) krisialdi territorialean, ekonomikoan eta sozialean murgilduta dagoen Estatu espainolarentzat. 2015eko uztailaren 1ean indarrean sartu zenetik, etenik ez dute izan oinarrizko Giza Eskubideak garatzen dituzten eskubide hauen aurkako erabakiek zein polizia ezberdinen gehiegikeriek. Protesta sozial... [+]


Eguneraketa berriak daude