Fridays For Future (Ostiralak Etorkizunari Begira) deialdiarekin bat egin dute ehunka ikaslek goizean Baionako karriketan. Manifestazioa azkar joan da eta trafikoa moztu dute aldian-aldian.

Hainbat lekutan geldialdiak egin dituzte eta hitzaldi laburrak eman ere. Ikasle gazteen erranetan, botere guneetatik oso ohikoa da “Kutsatu, kontsumitu eta isilik egon!” bezalako mezuak zabaltzea. Gaurko mobilizazioan “1, 2, 3 gradu, krimen bat gizakiarentzat” izan da gazteek oihukatu duten deiadarretako bat.

Lapurdiko Berria-k eta Mediabask-ek informazioa zabala eman dute klima aldaketa inguruan izandako mobilizazioei buruz.