“Euskal Herriko leku guztietan ari dira lurra pribatizatzen kapitalaren faboretan”
Baztanen 200 ekoizleen lurren desjabetza saihesteko, Erdiz Bizirik Plataformak daraman borrokaren berri emango dute Hondarribian ostegunean Aiza Kultur Elkarteak antolatuta. Magnesitas de Navarra S.A. enpresak Erdiz mendia hustu nahi duela salatzen du plataformak, eta 100 hektarea desjabetu nahi duela makroproiektu horrek.
Natura 2000 sareko eremu babestu baten aldamenean izanik ere, "administrazio publikoak kapitalaren faboretan legeak moldatu" eta halako ustiaketa proiektuei bide ematen diela salatzen dute. Izan ere, 22 urte pasatu dira Gobernu Batzordeak Magnesitas Navarras enpresari Erdizen zundaketak egiteko baimena eman zionetik. Baztandarren %87 meategi proiektuaren kontra lerrokatu zen orduan. Momentu hartan herritarrak ez zuten begi onez ikusi Baztango bazkaleku komunal handiena erdiz-erdi zulatzea, "zertarako eta enpresa erraldoi baten sakelak betetzeko". Aurten, adibidez, 106 abeltzainek probestu dituzte Erdizeko larreak abelburuen bazkarako.
Orain, Baztango harrobi meategi proiektu hau, Euskal Herrian orokortu egin den landa eremuen kontrako eraso dinamikaren beste bat baizik ez dela dio, Jaime Anduagak, Erdiz Bizirik plataformako eta Hondarribiko Aiza Kultur Elkarteko kideak. Baina landa lurren defentsa Euskal Herri mailan egin beharra dagoela aldarrikatzen du. Erdizen bezala, Arbonako laborantza lurretan edota Hondarribiko Zaldunbordako makro-outlet proiektuarekin gertatu izan den bezala. "Ez da problematika lokalista bat, leku guztietan ari dira lurrak pribatizatzen, enpresa handien jarduera kutsagarrientzat ez bada, etxegintzaren faboretan", dio Anduagak.
Erdizetik Hondarribira
Horiek hala, martxoaren 9an, ostegunarekin (19:00), solasaldia antolatu dute Hondarribiko Alde Zaharreko Kultur Etxean (103. gelan) problematika honen berri eman, eta Baztanen bezala, Hondarribian eta Euskal Herriko hainbat udalerritan natur eremuek jasaten dituzten mehatxuen gainean "alarma gorria" pizteko.
Garapenaren izenean galtzen diren lurrak ez direnez sekulan gehiago berreskuratzen, herritarrak aktibatu nahi dituzte. "Hondarribian, adibidez, lurrik emankorrenak galduta daude, eta horretan uholde turistikoak eragin handia izan du, eta lurren galerarekin bertako kultura eta hizkuntza ere galtzen da", nabarmentzen du. Izan ere, ondorioak ez dira ekonomikoak soilik bere ustetan, "esanahi sakonean aztertu" beharra dagoela dio.
Erdizen egin nahi den meategi proiektuaren aurkako jarrera berretsi du Erdiz Bizirik egitasmoak, eta apirilaren 22an mobilizazioa deitu dute Iruñean 'Lurraren Egunean'. Anartean herriz-herri ari dira hitzaldiak ematen, eta horren baitan kokatzen dute Hondarribiko deialdia.
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Donostia, 1960. Fermin Leizaola 16 urteko gazteak San Telmo Museoan zegoen Aranzadi Zientzia Elkarteko idazkaritzara jo zuen, bertako Espeleologia Sailean aritzeko prest.
Ez zen San Telmora egiten zuen lehen bisita izan; 1975eko ekainean Zeruko Argia-rekin... [+]
Maribi Ugarteburuk, EHNE Bizkaiaren enkarguz, herrialdeko hamar emakume baserritarren bizi historiak batu ditu Erein, Borrokatu, Bizi liburuan. Azken mende erdian Hego Euskal Herrian nekazaritzan eta abeltzaintzan izandako gertaerak bizi izan dituzten emakumeak dira protagonista.
Zuzendaritzak aurkeztutako Enplegu-erregulazioko espedientea (EEE) atzera bota eta "irtenbide bat bilatzeko negoziaketak hasteko helburuz", Agurain eta Legasako ArcelorMittal enpresako langileek greba mugagabeari ekingo diote.
Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua".
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Beethovenen 'Missa Solemnis'
- Taldeak: Bilbao Orkestra Sinfonikoa (zuzendaria: Nuno Coelho), Bilbao Koral Elkartea (Enrique Azurza) eta Iruñeko Orfeoia (Igor Ijurra).
- Bakarlariak: Mira Alkhovik (sopranoa), Nerea Berraondo (mezzoa), Michael Porter (tenorea)... [+]
Aurrez, Plentziak, Alkizak eta Gernikak euskal errepublikaren parte izatea erabaki zuten. Baztanekin, dagoeneko Euskal Herriko lau herriek hartu dute erabakia.
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Bretainiako adierazpide musikal zein literarioen sustatzaile eta banatzaile nagusia izan da Breizh kooperatiba. Ia zazpi hamarkadetako ibilbidean ehunka egile bretainiarren lanak editatu eta ekoitzi ditu, horietako hainbat bretoieraz.
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Tramite burokratikoetan murgilduta dago Ed Rojas. Kolonbian jaio eta bizi, 2022an Ikasketa Feministak eta Generokoak Masterra egin zuen EHUn. Baina titulua amaitu eta hiru urtera, ez du lortu bere izenean jasotzea. Arrazoia? 2022an ez-bitar markagailua jarri zuen bere... [+]
2009tik 2023ra izandako iktus intzidentziak jaso ditu Nafarroako Osasun Publikoko eta Lan Osasuneko Institutuak. Iktusa izan duten nafarren %84k arrisku faktoreren bat zuen.
1978ko sanferminetan gertatutako Poliziaren kargak argitzea, horiei buruzko dokumentuak desklasifikatzea eta gertakarietan hildako German Rodriguez biktima gisa aitortzea eskatzen diote Espainiako Gobernuari Kongresuak onarturiko dokumentuaren bidez.