EH Bilduk eta EAJk 27na eserleku lortuko lituzkete, Jaurlaritzaren Soziometroaren arabera

  • Egungo 31 legebiltzarkidetik 27ra jaitsiko lirateke jeltzaleak. Subiranistak, berriz, 21etik 27ra igo. Egungo koalizio gobernuak ozta-ozta eutsiko lioke gehiengoari. Abstentzioa, hiru lurraldetan, %39aren bueltan kokatuko litzateke.


2024ko otsailaren 09an - 11:30
Azken eguneraketa: 12:32
EAJren jaitsiera iragartzen du Soziometroak. Dena den, PSE-EErekin elkartuta, 38ko gehiengora helduko lirateke. (Argazkia: EAJ)

Eusko Jaurlaritzaren Lehendakaritzak enkargatutako Soziometroa argitara eman dute ostiral goizean, eta aurreikusten den lehia iragarri du txostenak: berdinketa legoke EAJren eta EH Bilduren artean. Koalizio subiranista lehen indarra litzateke Araban eta Gipuzkoan, eta jeltzaleek Bizkaian irabaziko lukete.

Eusko Legebiltzarraren argazkia

Egungo banaketak EAJren nagusitasuna erakusten du: EAJk 31 ditu; EH Bilduk 21; PSE-EEk 10; Elkarrekin Podemos-IUk 6; PP-C'sk 6; eta Voxek 1.

Soziometroaren txostenak, baina, lehia estua iragartzen du EAJren eta EH Bilduren artean. Hain zuzen ere, fokua 27nako berdinketan ipini da. Beraz, betiere inkestaren arabera, EAJk lau galduko lituzke eta EH Bilduk sei irabazi. PSE-EEk ere igoera izango luke –eserleku bat, Araban–; Podemos, berriz, desagertzeko zorian legoke –eserleku bakarra lortuko luke, Bizkaian–, izan ere, Sumarri ematen zaizkio bi eserleku –Araban eta Gipuzkoan–. PPk haienak mantenduko lituzke, C's desagerrarazita, eta Voxek eutsiko lioke bereari.

2020ko uztaileko hauteskundeen emaitzak; egungo banaketa.

Araban, EAJtik EH Bildura

Boto mugimendua aurreikusi du Soziometroak Arabako lurraldean. EAJk bederatzi eserleku eskuratu zituen 2020an –botoen %32–, eta orain, aldiz, zazpi eman dizkio txostenak –botoen %25–.

EH Bilduk eskuratuko lituzke jeltzaleen bi eserleku horiek –zortzi–, eta alderdi bozkatuena izatera pasatuko litzateke –ia %30–.

Elkarrekin Podemosek dituen bi eserlekuak gal ditzakeela dio Soziometroak, eta bata PSE-EEra eta bestea Sumarrera aldatuko litzateke. PPk eta Vox-ek mantenduko lituzkete haien legebiltzarkideak.

Bizkaian, EAJ nagusi oraindik ere

EH Bilduk sei legebiltzarkide eskuratu zituen 2020an –botoen %24–, eta EAJk hamabi –%42–. Soziometroak dioenez, eserleku bat galduko lukete jeltzaleek, eta bi irabazi subiranistek; EAJren galdutakoa bata, eta Podemosena bestea. Gainontzekoek eurenak mantenduko lituzkete.

Gipuzkoa, EH Bilduren garaipena

2020an EAJk bi mila boto baino ez zizkion atera EH Bilduri; orain, ordea, EH Bilduren garaipen zabala iragarri du Soziometroak. Koalizio subiranistak hamaika legebiltzarkide eskuratzea aurreikusi du txostenak –egun baino hiru gehiago, eta botoen –%39–, eta EAJk, berriz, botoetan lau puntu galduta, eserleku bat behera –bederatzi–.

Elkarrekin Podemosek egun dituen bi eserleku galduko lituzke, bata Sumarrek irabazteko eta bestea EH Bilduk. PPk mantenduko luke bere eserlekua.

 


Kanal honetatik interesatuko zaizu: EAEko hauteskundeak 2024
Materialismo histerikoa
Diferentziak

Datozen hauteskundeak bereziak dira, hauteskunde guztiak diren moduan; bat ez dela esaten diguten egunean izango da berezia, esaten digutenean “aurten gertatuko den guztia, gertatu da lehenago ere”. Asko erabakitzen omen dugu. Beldur pixka bat ematen du, ez? Zer? Zer... [+]


Analisia
Ez iskin egin zaintza sistemari

Arabako Foru Aldundiaren erabaki batek etxez etxeko zerbitzurik gabe utzi ditu 150 pertsonatik gora, EH Bilduk salatu duenez. 700 euroren truke etxe barruko langile edo interna jarri behar izaten dira emakume etorkin asko, ez dutelako logela bat ordaintzeko modurik, Nafarroako... [+]


2024-04-10 | Estitxu Eizagirre
Lurraren defentsan mobilizazio eguna apirilaren 13an Azpeitian
“Enpresen eskuetan gaude eta politikan ez dago horri galga jarriko dion inor; hori are larriagoa da”

Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.


Aste politikoaren kronika: EAJ-ren mitina
Harroputzaren bide motza

Azkoitian egin du EAJk kanpainaren estreinako asteburuko lehen mitin politiko jendetsua. Ez edonon: Xabier Arzallus jaio zen etxearen parean, Oteizaren eskultura dagoen plazan. Azken hamar urteetan EAJk agindu du herrian, baina jeltzale sutsuenek ez omen dute ahantzi EH Bilduk... [+]


Aste politikoaren kronika
Orokorkerien Euskadi

Hilabete baino gutxiago falta da hauteskundeetarako eta bi aste baino ez kanpaina ofizialki abiatzeko. Lehen bi kolpe kanonikoak eman dituzte dagoeneko. Bata administrazioak, egin baitute zozketa, hauteslekuetan eguna botako duten herritarrena; eta alderdi politikoek bestea, 48... [+]


Eguneraketa berriak daude