“Edozein unetan” bota dezakete Zarauzko Putzuzulo gaztetxea
Aurrera doaz Putzuzulo kokatuta dagoen eremuan etxebizitzak eraikitzeko lanak, eta horretan ari diren promotoreek urte amaierarako bota nahi dute gaztetxea. Duela 15 urte okupatu zuten eraikina, eta ordutik, etengabea izan da "desalojoaren mamua". Gaztetxeko kideek adierazi dute ez direla "Putzuzulotik joango beste gune bat ziurtatuta izan arte".
"Promotoreek Putzuzulo urte honen amaieran eraitsi nahi dutela jakinarazi zigun alkateak, eta baimena sinatuta dagoela gogorarazi. Promotoreen esku gaudela, alegia". Zarauzko Putzuzuloko kideek halaxe azaldu dute gaztetxearen egungo egoera. Adierazpena argitaratu dute gaur, eta urte luzez "desalojoaren mamua" gainean izan ostean, "oraingoan bai", gaztetxea "edozein unetan" hustu eta bota dezaketela ohartarazi dute.
Zarauzko Salberdin eremuan dago Putzuzulo, baina han etxebizitzak eraikitzeko plana martxan da aspalditik. Hortaz, Amets Fabrikak zutik egin dituen 15 urte luze hauetan etengabea izan da desalojo arriskua: "Beti kezkatu izan gaitu etorkizunak, eta arrisku horri aurre egiten saiatu izan gara urte hauetan guztietan".
"2019ko udaberrian, Salberdingo lanak egunetik egunera azkartzen hasi ziren", diote gaztetxeko kideek. Gaztetxiakin ZE?! kanpaina jarri zuten martxan orduan, "gaztetxearen etorkizun ziurgabea mahaigaineratzeko" beste behin.
Eraiste baimena sinatuta
Zarauzko alkateak 2019ko uztailean sinatu zuen Textil Guipuzcoana izandako eraikina (egun Putzuzulo dena) botatzeko baimena. "Gaztetxearen atzeko zatia bota zuten orduan, Putzuzulo obra-hondakin artean utziz", azaldu dute.
"Gaztetxearen etorkizuna ziurtatzeko borroka luzeari berriro tiraka", Putzuzuloko kideek elkarrizketak berrartu zituzten udalarekin, "helburu argi batekin: uneoro gaztetxe bat bermatuta izatea Zarautzen". Hasieran Putzuzuloren eraisketa 2022ko udaberrirako iragarri bazuen ere, irailean jakinarazi zien gaztetxeko kideei promotoreek urte honen amaierarako bota nahi dutela gaztetxea, eta baimena sinatuta dagoenez, haien esku dago erabakia. "Edozein unetan bota dezakete, beraz, Putzuzulo Amets Fabrika".
Gaztetxeko kideek gogorarazi dute oraindik ez dutela "beste espaziorik ziurtatuta", alkatearekin izandako elkarrizketetan hainbat aukera mahai gainean jarri diren arren, ez baita aterabide zehatzik gauzatu oraingoz.
Hautu bat
"Ez dugu onartuko, gu guztion jarduna aurrera eramaten segitzeko beste espazio bat bermatuta izan gabe, Putzuzulo eraistea. Ozen diogu: ez gara Putzuzulotik joango beste gune bat ziurtatuta izan arte", argitu dute gaztetxeko kideek.
Gogoan izan dute orain arteko ibilbidea: "Duela 15 urte, Estazio Zaharreko eta Manuelako proiektuei jarraituz, okupazioaren bideari heldu zitzaion Zarautzen beste gaztetxe bat lortzeko: hainbat eta hainbat gaztek Textil Guipuzcoana izandako fabrika okupatu eta Putzuzulo Amets Fabrika bilakatu zuten". Gaur egun, azaldu dute gaztetxea "ezinbesteko aterpe eta etxea dela hainbat eta hainbat proiektu eta eragilerentzat", eta "egin beharreko guztia egingo" dutela "hori guztia ahalbidetzen" dien "espazio bat izaten jarraitzeko".
Elkartasun keinua
Bestalde, Putzuzulok "babes osoa" adierazi die "desalojo arriskuan dauden gaztetxe eta gune okupatu guztiei", hala nola, Bilboko (Bizkaia) Etxarri gaztetxeari, Tolosako (Gipuzkoa) Ezpala gaztetxeari eta Legutioko (Araba) Desjabetuon Hotelari.
Baionako Herriko Etxearen jabetzapean, eraikinak bost urte daramatza hutsik, eta espazio hori hartu du Ipar Euskal Herriko Kontseilu Sozialistak, “elkartzeko, kolektiboki pentsatzeko eta borrokak antolatzeko”.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Tentsio uneak bizi ahal izan dira ostegun eguerdian Donostiako Udaletxeko udal batzar aretoan.
21 Zabalgunea udal soziatateak desalojo data ezarri diela jakinarazi dute Alde Zaharreko espazio okupatua kudeatzen duten Auzoan Bizi etxebizitza sareak, Herrizoma elikadura sareak eta Zaharraz Harro jai herrikoiak. Korda “defendatuko” dutela adierazi dute.
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Hainbat okupazio "sinboliko" egin ostean, dozenaka lagun Urgulleko Guardetxean sartu dira eta garbitzen eta txukuntzen ari dira, ekitaldi kulturalak antolatzeko.
Beste bizi eredu baten alde eginez, hainbat belaunaldik ikasteko, antolatzeko, esperimentatzeko eta trebatzeko aukera izan dute Lakaxitan bi hamarkada hauetan zehar. Gazte belaunaldi anitz ikusi ditu gaztetxeak, eta Jaion bestan, oraingo gazte mugimenduko kideak ez... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
