ARGIA.eus

2022ko maiatzaren 20a

EAEko gazteek etorkizunarekiko dituzten aurreikuspenek okerrera egin dute

  • Gazteek egungo egoera eta etorkizuna nola ikusten duten jakiteko, 15-29 urteko EAEko herritarrak galdekatzen ditu urtero Gazteen Euskal Behatokiak, eta azken edizioko emaitzetan nabaria da pandemiaren eragina. Ekonomiari, lanari eta aisiari lotuta, aurreikuspen txarrak egin dituzte gazteek.

Argazkia: EITB
ARGIA @argia
2022ko martxoaren 29a

2021eko abenduan egindako inkestaren emaitzak eman ditu Behatokiak. Bederatzi edizio ditu inkestak, eta gogobetasun pertsonalean emaitzarik txarrenak eman ditu azken honek. Egungo egoeraren balorazioak ere nabarmen egin du behera, gazteen artean.

Lana lortzea, zaila

Enplegua galtzeko edo lan-baldintzek okerrera egiteko gazteek hautematen duten arriskuak 6 puntuko beherakada izan du, aurreko urtearekiko. Enplegua aurkitzeko aurreikuspenak ere behera egin du: 2019ko erantzunekiko, 30 puntu behera.

Gurasoekin bizitzen

Azken boladako aurreikuspenak ez dira asko aldatu emantzipatzeko aukerari dagokionez. Urtebeteko epean beren kontura bizi nahi duten eta hori lortzerik izango ez dutela uste duten gazteen portzentajea %42koa da.

Etorkizunean konfiantzarik ez

Bost urteko epean egoera pertsonalak, gazteen egoerak eta EAEko egoerak izango duten bilakaera oso ezkor ikusten dute gazteek: etorkizunarekiko konfiantza-indizea serieko okerrena izan da.

2021eko abenduan, 15-29 urte arteko 4.356 gazte galdekatu zituen Behatokiak, inkesta bidez. Elkarrizketa sakonak ere egin zizkion hainbat gazteri. Pandemiaren seigarren olatuan murgilduta, horrek emaitzetan eragina izan duela diote txostenaren egileek, ez bakarrik lanarekiko pertzepzioan, baita osasun fisiko eta mentalean eta aisiaren eta gizarte harremanen esparruan ere.

Kanal hauetan artxibatua: Gazte mugimendua  |  Enplegua  |  Etxebizitza eskubidea  |  EAE

Gazte mugimendua kanaletik interesatuko zaizu...
2022-05-03 | ARGIA
Unibertsitate eta formakuntza profesionaleko ikasketak euskaraz ere eskaintzeko eskatu dute Ipar Euskal Herrian

Goi-mailako ikasketetan, euskarazko eskaintza bakarra dago gaur egun Ipar Euskal Herrian. Egoera irauli eta goi-mailako ikasketa guztiak euskaraz ere egiteko aukera ematea aldarrikatu du Xuti Gazte! mugimenduak. Instituzioetara jo du horretarako.


2022-04-29 | ARGIA
Ernaik mobilizazioa egingo du Bilbon, zazpi gazteren epaiketa salatzeko

Ekainaren 4ean izango da mobilizazioa, 2021eko maiatzean atxilotu zituzten zazpi gazteen aurkako epaiketa salatzeko eta epaituei elkartasuna adierazteko.


Portugaleteko Sastraka gaztetxeari eraso egin diote

Astelehen gauez egin zioten eraso Sastraka gaztetxeari; espazioko kideek azaldu dutenez, gaztetxeko aretoari su ematen saiatu ziren.


2022-04-17 | Maialen Arteaga
Aurrea hartu, aurrera egiteko

Zerbaiti aurrez aurre begiratzea asmoak adierazteko modu argia da. Zerbaiti, norbaiti, aurrez aurre begiratzea, parekoaren existentzia aitortu, kontzientzia hartu eta erantzutea da; eta hala egin dugu gazte euskaltzaleok. Badira pare bat urte euskararekiko genituen kezkei... [+]


2022-03-29 | ARGIA
"Hezkuntza sistema aldatzeko" eskatu dute ikasleek, Ikamak deituriko mobilizazioetan

Hezkuntzaren egungo egoera salatzeko kalera atera dira ikasleak, astearte goiz honetan: murrizketak, baliabide eskasia, kontrol mekanismoak… lehen planoan jarri nahi izan ditu Ikama ikasle antolakundeak, Hego Euskal Herriko hainbat hiritan antolatutako manifestazioetan... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude