ARGIA.eus

2020ko uztailaren 14a

Donostia eta Iruņea, azken 12 urteetan alokairuak gehien igo diren hiriburuak

  • Idealista.com higiezinen-atariak Espainiako Estatuko alokairuen prezioen inguruko oharra argitaratu du. Euskal Herriko bi hiriburuk Espainiako Estatuko prezio-igoera handienak izan dituzte azken urteetan: Donostiak eta Iruñeak.

ARGIA @argia
2019ko azaroaren 06a

Datuek prezioen hamabi urteko bilakaera hartzen dute erreferentziatzat, krisia hasi zen unetik abiatuta, 2007ko hirugarren hiruhilekotik gaur egun arte alegia. Aldi horretan, Donostian alokairua %50etik gora igo zen. Horri gehitu behar zaio Gipuzkoako hiriburua Espainiako Estatuko alokairu garestiena duen hirugarren hiria dela, Madril eta Bartzelon bakarrik ditu gainetik. Idealistaren datuen arabera, 14,5 euroko prezioa du metro koadroko; Madrilen eta Bartzelonan berriz, 16 eurotik gora dago metro koadroa.

Iruñeari dagokionez, azken bost urteetan igo dira nabarmen alokairuak. Idealistak Granadakoarekin alderatzen du bere kasua, jokabide hori unibertsitate-hiri izatearekin lotuz. Hala eta guztiz ere, alokairuaren prezioa Donostian baino askoz baxuagoa da, metro koadroa 9,2 euroan baitago. Guztira, 2019a amaitzean, Iruñeko alokairuko etxeen prezioak 2018aren hasieran baino %38,5 altuagoak dira. Atariaren arabera, datorren urtean igotzen jarraitzeko aukerak daude.

Webguneak ohar baten bidez adierazi duenez, alokairuaren prezioak ia ez ziren jaitsi krisiaren urte gogorrenetan (%5,7 baino ez), eta azkenkoan %29,4ko gorakada izan zuten. Gainera, etxebizitza turistikoen ugaritzeak sarrerak are gehiago murriztu du alokairuko etxebizitzen eskaintza eta horrek prezioetan eragina izan du –zenbat eta etxe gutxiago merkatuan, orduan eta aukera handiagoak haien prezioak igotzeko, kontrol neurririk ezartzen ez bada–.

Bestalde, aipatutako atariak egiten dituen proiekzioen arabera, 2020an prezioek behera egin lezakete. Alokairuak, bere analisten iritziz, sabaia jo du dagoeneko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Etxebizitza eskubidea  |  Donostia  |  Iruņea

Etxebizitza eskubidea kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude