Diana Isabel Hernandez hil dute, ingurumenaren aldeko ekintzaile guatemalarra
Hernandez tiroz hil zuten larunbatean. Elkartasunaren aldeko Aliantza gobernuz kanpoko erakundeak hilketa ikertua izan dadin eskatu du, beste hainbat hilketarekin gertatu den bezala, gertakaria zigor gabe geratu ez dadin.
Larunbatean, Suchitepéquez departamentuko Monte Gloria komunitatean burutzen ari ziren prozesio baten aurka egindako erasoan, tiroz hil zuten Hernandez. Elkartasunaren aldeko Aliantza GKEak jakinarazi duenez, Hernandez Monte Gloria komunitatean bizi zen. 35 urte zituen, irakaslea zen, eta baita Ingurumen koordinatzailea ere Suchitepéquezeko Guatemalako Guadalupeko Andra Maria parrokian.
Guatemala hego-mendebaldean kokatzen da Suchitepequez departamentua. Bertakoa oihan tropikala da, baina zuhaiztiak, galbidean, soilik leku jakin batzuetan mantentzen dira. GKEak azaldu duenez, Hernandezek “ingurumenaren babesa bultzatzeko ekintzetan parte hartzen zuen, eta bere biziaren zati handi bat eman zuen baso-berritze komunitariorako bertako espezieen sentsibilizazioan eta horiek lehengoratzen, eskualdeak dituen ingurumen arazoei aurre egiteko; batez ere, ur eskasiari".
“Hilketa koldar” bat izan dela salatu du Elkartasunaren aldeko Aliantzak, eta ikertua izan dadin eskatu. Izan ere, azaldu dutenez, hainbat hilketa sakonki ikertu eta zigorrik ezarri gabe geratu dira. GKEak emandako datuen arabera, 2017 eta 2018 urteen artean komunitatearen aldeko ekintzaileen aurkako 39 eraso zenbatu zituzten. Hernandezen hilketaren ostean giroa gaiztotuko ez ote den, arduratuta azaldu dira, eta ohartarazi dute irailaren 5ean ezarritako setio egoera medio ugaritu egin daitezkeela giza eskubideen aurkako erasoak.
Setio egoera indarrean, armada kalera atera da Izabal, Alta Verapaz, Baja Verapaz, Peten, El Progreso eta Zacapa departamentuetan. GKEak azpimarratu du toki horietan gatazka handiak jaso direla meatzaritza, hidroelektrika eta nekazaritzarekin lotutako enpresa proiektu handien bueltan. GKEaren iritzitan, soldaduen presentziak areagotu egingo ditu giza eskubideen urraketa kasuak.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]