Derrigorrezko "auzolana" egitera behartu nahi ditu Gasteizko Udalak alokairu soziala eskatzen duten pertsonak
Gasteizko Alde Zaharrean alokairuzko etxebizitza bat eskuratu ahal izateko gazteek zortzi ordutako auzolana egin behar izatea kritikatu du oposizioak. Zozketa bidezko esleipenak alboratzeko ere eskatu dute.
Hautsak harrotu ditu Gasteizen alokairu sozialean etxebizitza bat eskuratu ahal izateko Udalak jarritako baldintzak. Alokairu kontratuetan ohikoak diren hainbat betebeharrez gain, etxebizitza erabiliko duten gazteek hilean 8 orduz auzoko kolektiboekin kolaboratzeko konpromisoa hartu behar dute, halabeharrez. Hala agertzen da adierazita Aiztogile kaleko 92. zenbakian lau etxebizitza alokairuan eskuratzeko 21 Zabalgunea udal hirigintza elkarteak egindako deialdian.
2014. urtekoa da jatorrizko agiria, baina orain piztu da polemika, Irabazi alderdiak aste honetan egin duelako aferaren gaineko salaketa publikoa. Izan ere, gaiaren inguruan egin den azken zirriborroan baldintza hori bere horretan mantentzen da.
Agirian hau azaltzen da: "Adjudikaziodunek komunitatearen garapenean parte hartuko dute, eta horretarako gutxienez, hilean zortzi ordu emango dituzte etxebizitzak dauden auzoan irabazi-asmorik gabeko elkarteekin, kolektiboekin edo auzoko elkarteekin kolaboratzeko eta lanean aritzeko". Horretarako, etxebizitza eskuratu nahi duenak konpromiso bat sinatu behar du, eta lan horiek justifikatzeko eskatzen zaion dokumentazioa aurkezteko prest agertu behar du, gainera. Ez dira zehazten zein elkarterekin egingo liratekeen lan horiek.
Irabazi alderdiko zinegotzi Oskar Fernandez Martinen iritziz, baldintza honek traba egiten dio "gazteek etxebizitza eskuratzeko duten oinarrizko eskubideari". Zinegotziak "xantaiatzat" jo du eskakizuna, eta hori onartzekotan "aurrekari arriskutsua" ezarriko litzatekeela uste du. Fernandez Marinen esanetan, "ez dauka zentzutik prestazio bat eskatzea eskubide bat eskuratzearen truke". Hortaz, "gazteek ez dute derrigorrez aparteko lanik egin behar, ez bada borondatez". Hirian hiru urtez erroldatuta egoteko eskakizuna bertan behera uzteko ere eskatu du, "krisi ekonomikoa dela eta migratu behar izan duten gazte asko" itzultzen ari direlakoan.
"Elektoralismoa"
Gasteizko Ahal Dugu eta EH Bildu alderdiek ere kritika agertu dute gaiaren harira. Ahal Duguk kutsu elektoralista ikusi dio neurriari. "10 etxebizitza aterako dira zozketan, Gasteizen 8.000 etxebizitza huts daudenean, horietatik gehienak erakunde publikoen edo finantza erakundeen esku".
EH Bilduk ordainketa errentaren bidez egin behar dela uste du, "bestelako ordainketarik egin behar izan gabe". Hiru alderdiek eskatu dute zozketaren sistema bertan behera uzteko, eta Etxebide agentziaren zerrendetara jotzea etxebizitza horietara nor sartu behar den erabakitzeko.
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Kalean bizi den jendeak gaua igarotzeko neguan irekitzen dituzten aterpeetako batzuek ateak ixten dituzte hotz denboraldia amaitzearekin bat. Baina jende horrek kalean bizitzen jarraitzen du eta ez du gaua non pasa. Arazoari aurre egiteko planifikazio sakonagoa aldarrikatu dute.
Gasteizko PDS eta OEE Araba plataformek, beste hainbat eragilerekin batera, manifestu bat aurkeztu dute asteartean etxebizitzarekin lotutako arazoei irtenbideak emateko. Mobilizazioekin hasteko planteamendua ere mahaiaren gainean dago.
Fase ugariren ostean, abiatzeko gutxi falta zaio gazteentzako lehendabiziko etxebizitza komunitarioari Errenterian. Ostegun honetan zozketatuko dituzte logelak, ekitaldi publikoan. Eraikina Udalak jarri du eta elkarbizitzarako konpromisoak eta antolaketa gazteek eurek finkatu dituzte.
Alokairuan zen bikote baten kaleratzea salatu du Aranzadik.
OFS deitutako instituzioaren (Solidarioen Erakundeak) barruko Alokairurako Langile Batzordeak (COL deitua) etxebizitzen jabego sozialerako lehen etxebizitzak eraiki ditu. Egitasmoa errenta modu berri baten bidez garatu da.
Etxebizitzen garestitzeari aurre egin asmoz, tabu bat hautsi da Berlingo iritzi-publikoan: etxejabe handiei pisuak kentzeko aukera mahai gainean dago eta erreferendum bidez bozkatuko da.
Madrilgo Lavapies auzoan lau familia, tartean haur jaio berri bat, beren etxeetatik bota ditu Espainiako Poliziak hiru etxebizitzatan aldi berean egin duen operazioan. Hipotekak Kaltetutakoen Plataformak erresistentzira dei egin zuen. Gutxienez zazpi lagun atxilotu dituzte, El Saltori PAHko abokatuak jakinarazi dionez.
Pasa den otsailaren 6an pasatakoa salatu zuen Donostialdeko Okupazio Bulegoak Hernaniko Tilosetan egindako kontzentrazioan: "bi bizilagun desalojatu zituen Urkilla S.L promotorak".
Araudi berria hilabete eskas egon da indarrean. Orain, 2013ko Hiriko Alokairuen Legea aplikatuko da ostera, hiru urteko kontratuak egitea ahalbidetzen duena dekretuak ezartzen zuen bost urtekoen ordez.
Rosa Garcia aktibistak hunkituta jaso du 2019ko Urrezko Danborra. Stop Kaleratzeak plataformako bozeramailea da, eta haien izenean jaso du saria.
