Carles Puigdemont, Oriol Junqueras, Jordi Turull, Joaquim Forn, Josep Rull, Antoni Comin, Dolors Bassa, Clara Ponsati, Marta Rovira, Jordi Sanchez, Jordi Cuixart eta Raül Romeva. Matxinadagatik 25 urte arteko kartzela zigorra ezarri diezaiekete. Ikusteko dago aske dauden akusatuak kartzelaratuko dituzten ala ez.

Bigarren maila batean, desobedientzia eta diru publikoa behar bezala ez erabiltzea egotzi die Governeko eta Parlamenteko hainbat kideri. Besteak beste, Meritxell Borras, Lluis Puig, Carles Mundó, Santi Vila eta Meritxell Serret. Horien kartzela zigorrak epe laburragokoak izan litezke.

Desobedientzia hutsa ezarri dien politikarien artean Llus Maria Coriminas, Lluis Guinó, Anna Simó, Ramona Barrufet eta Joan Josep Nuet dira. CUPeko Mireia Boya eta Anna Gabriel ere zaku berean sartu ditu epaileak.

PDeCAT-eko Marta Pascal, Generaliateko presidente ohi Artus Mas eta AMI elkarteko buru ohi Neus Lloveras kargugabetu ditu Llarenak.