Coca-Cola Europar Kontseiluko Errumaniaren presidentetzaren sponsorra dela salatu dute

  • Foodwatch GKEak otsailaren 26an salatu duenez, Coca Cola konpainiak ofizialki babesten du Errumaniaren presidentetza Europar Kontseiluan. Multinazionalei eragiten dieten legeak ezarri behar dituen administrazioak ezin duela halako harremanik izan salatu du elkarteak, eta Europako Batzordeko presidente Donald Tuskek eta Errumaniako lehen ministro Viorica Dăncilăk-i babesletza bertan behera uzteko eskatu diote, Reporterre hedabideak jaso duenez.

Coca-Colaren babesletza iragartzen duten mezuak.

2019ko otsailaren 27an - 07:00

"Zabor jana eta honek osasunean dituen ondorioak arazo sozial badira, erabat onartezina da Europar Kontseiluaren presidentetza Coca-Colak babestea", adierazi dute komunikatu batean.

2019ko urtarriletik hasita Errumania sei hilabetez da Europar Kontseiluko presidente. Joan den urtarrilaren 31ko Atzerri Ministroek Bucaresten egin zuten bileran Coca-Colaren marketing produktuak zeudela informatu zuten kazetari alemaniarrek. "Coca-Colak harro babesten du Errumaniaren lehen presidentetza EBn" mezuak irakur zitezkela jakinarazi zuten eta barruan publizitate kartelak zeudela, azpiko txioetan ikus daitezkeenez.

Coca-Colaren publizitatea atzerri ministroen bileran.

"Europako egitura politiko nagusietako bat babestea Coca-Colak benetan inpaktantea da", salatu du Karine Jacquemart elkarteko zuzendariak. "Halako babesletza bat interes gatazkan sartzen da eta eragina du zabor janari buruzko Europako agenda politikoan".

Foodwatchen ustez, Coca-Cola bere interesen aurkako legediak borrokatzen ari da, hala nola, Europan azukreari zergak igotzea. Hurrengo hilabeteetan, adibidez, Europar Batasueko arduradun politikoek baloratu beharko dute elikadurarekin zerikusia duen legedia, baita elikagaien ontziek etiketetan eraman beharko duten informazio garrantzitsua ere.

Foodwatchek bere kanpaina zabaltzeko egin duen irudia.

 


Kanal honetatik interesatuko zaizu: Enpresa transnazionalak
2024-03-14 | Gedar
Mercadonak %40 areagotu ditu irabaziak, eta %30 Inditexek

Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.


Iberdrolak 4.803 milioiko irabazi garbia izan zuen 2023an

% 10,7ko igoera izan du aurreko ekitaldiaren aldean; iaz, 4.339 milioiko errekorra lortu zuen. Hala ere, Ignacio Sanchez Galan presidenteak irabazi elektrikoen kargaren aurka egin du.


Repsol, demonioak hemen eta han

Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]


Repsol, demonioak hemen eta han

Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]


Iberdrolak 2013an ez zituen prezioak manipulatu Auzitegi Nazionalaren arabera

Epaitegiak adierazi du ez dagoela nahikoa frogarik akusazioa babesteko.


Eguneraketa berriak daude