Carles Riera: "Estatuak indarkeriaz jokatzen badu, desobedientzia zibilarekin eta mobilizazio jendetsuarekin erantzungo dugu"

I˝igo Igartua @igartua19
2018ko abenduaren 20a
Carles Riera CUPeko diputatua. Argazkia: Kaos en la red

Abenduaren 21a tranpa bat al da?

Abenduaren 21a Espainiako Gobernuaren probokazioa eta erasoa da. Erronka bat da guretzat tranpa ez bihurtzea. Estatuari egoera bere aurka itzuliz gero ez dago arazorik, baina tranpa bihurtzea saihestu behar dugu. Determinazio eta adimen handiz jokatu behar dugu. Justifikaziorik gabeko eta alferrikako larderiazko ekintza bat da. Erantzun sozial handia eragitea erabat logikoa eta naturala da.

Nola irudikatzen duzue ostiraleko eguna? Mossoen edo Espainiako poliziaren kargen, edo indarkeria eragin nahi dutenen beldur zarete?

Indarkeria eragin nahi dutenak Espainia, bere kloakak eta eskuin muturra dira. Segur aski, zeharka estrategia honekin afinak diren polizia talde edo sektoreak egongo dira. Azpimarratu behar da, une honetan indarkeriaren estrategia Espainiari, bere kloakei eta Espainiako hedabideei komeni eta interesatzen zaiela.

Logikoa, demokratikoa eta desiragarria da Ministroen Kontseiluaren bilera bezalako probokazio baten ondorioz, erantzun sozial jendetsua ematea. Estrategia irabazlea indarkeriaren kontakizunean ez erortzea da, beraz, desobedientzia zibil aktibo eta indarkeriarik gabekoa berresten dugu. Beti egin dugun bezala.

Modu irmo, jendetsu eta eraginkorrean erakutsi behar dugu gure gaitzespena. Mugimendu independentistak estatuaren hegemoniari aurre egiteko gaitasuna eta indarra duela erakutsi behar dugu.

Generalitatearen diskurtsoak protestak kriminalizatzen laguntzen al du?

Jakina. Gertatzen da Generalitateak babesten dituenean eskuin muturreko taldeen, ultren, nazien eta xenofoboen manifestazio eskubidea eta adierazpen askatasuna babesten dituenean, eta bortizki erreprimitzen duenean mugimendu antifaxista.

Gure demokraziaren kontzeptuan, eskuin muturrak, faxismoak eta naziek ez dute tokirik. Gizarte eta giza garapenerako, atzean utzi behar ditugun planteamenduak dira. Oso irmoak izan behar dugu. Horrelako manifestazioak ezin dira baimendu edo kapsulatu egin behar dira.

Horregatik Buch kontseilaria eta Barne Ministerioko kupularen kargugabetzea, eta segurtasun eredu berri bat eskatu ditugu. Generalitateak ezin du Espainiako Mozal legea aplikatu.

Estatuaren aurrean agerian uzten duten botere eza, kemen handiz ordena publikoa mantenduz arintzen saiatzen dira. Oso penagarria da.

Independentismoak bere gain hartu behar du Estatuak indarkeria eragin dezakeela?

Indarkeriarik gabekoa eta modu demokratikoan konpondu daitekeen gatazka izatea gustatuko litzaiguke. Oso argi utzi behar dugu indarkeriarik gabeko bidean gaudela eta armagabeturik goaz.

Espainiako Estatua da armaturik dagoena eta indarkeriarekin mehatxu egiten duena. Estatuak indarkeriaz jokatzen badu, desobedientzia zibila eta mobilizazio jendetsuarekin erantzun beharko dugu.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Katalunia independentziarantz

Katalunia independentziarantz kanaletik interesatuko zaizu...
2019-03-24 | Karmelo Landa
Zer aldatu da, zer alda daiteke?

Sendo itxura ematen duten egitura politikoak ere ez dira betiko izaten. Europar Batasuna kilin-kolon dabil. Espainiako Estatua, berriz, zalantza-balantzan. Zer aldatu da, bada? Euskarriak.

Estatu espainiarrari begira, 78ko Erregimena deituak bi operazio nagusi burutu zituen finkatze-bidean. Bata, langile mugimendua integratzera abiatua, ezkerreko alderdiekin eta sindikatuekin itunak egin,  haiek estatu zaharberrituaren muga estuetara erakarriz. Bigarrena, aldiz, estatu barruko nazioak... [+]


2019-03-24 | Saioa Baleztena
Betona ComÝn. Duintasuna aldarri
"Errepresioaren lehen erronka betidanik izan da banaketa"

Frankismoak jazarritako Alfonso Comín kazetari eta politikariaren alaba, eta Toni Comín ERCko diputatu erbesteratuaren arreba da Betona Comín (Bartzelona, Herrialde Katalanak). Mundu duinagoaren aldeko borrokan, Giza Eskubide Zibilen Aldeko Elkarte Katalaneko kidea, ANCko idazkari nazionala eta Omnium Culturaleko bazkidea da.


2019-03-15 | Xabier Letona
Trapero mitoa erori da?

Edo bere burua espetxetik libre nahi duen gizona azaleratu da? Galdera bien erantzuna baiezkoa da seguruenik. Josep Lluis Trapero Mossoen buru ohiak katalan independentisten epaiketan egindako deklarazioak Trapero independentistaren mitoa eroriarazi du. Orain lekuko gisa jardun du eta auzi  honen epaia ateratzen denean epaituko dute Espainiako Auzitegi Nazionalean, matxinada delitua leporatuz.


2019-03-13 | ARGIA
ProcÚsa epaitzearen aurkako Madrilgo manifestaziora joateko autobusak antolatu dituzte

ANC Asanblea Nazional Katalanak antolatuta, manifestazioa egingo dute martxoaren 16an Madrilen, Procésaren kontrako epaiketa salatzeko. Euskal Herritik ere autobusak antolatu dituzte, Zutabe Antifaxista lelopean. Bilbon, Iruñean eta Gasteizen eman daiteke izena.


2019-03-11 | Patxi Azparren
Independentismoa "erreseteatu"

Informatikaz ezer gutxi dakigunok ere badakigu noizean behin ordenagailuak “erresetatu” behar ditugula. Programak abiadura bizian aldatzen dizkigute eta sarritan ordenagailuak ohartxoak bidaltzen dizkigu. Eguneratu ezean, dena mantsotzen da eta azkenean ordenagailu bera erabilezina bilakatzen da.


2019-03-10 | Santi LeonÚ
GAIZKI ERRANKA
Erregimena, titular bakarrean

El Correok dio Urkulluk erran duela Puigdemontek bide unilaterala hartu zuela kalea “matxinatzen ari zitzaiolako” –komatxoak El Correorenak dira: hitzez hitz biltzen omen du titularrak Urkulluk errandakoa–.


2019-03-06 | ARGIA
Guardia Zibila Kataluniako parlamentuan sartu da, erreferendumarekin lotutako faktura bila

Katalunian 2017ko urriaren 1ean egin zen erreferenduma bultzatu zuten buruzagi independentisten aurkako epaiketa martxan den bitartean, Guardia Zibileko agenteak parlamentu autonomikoan sartu dira, erreferendumarekin lotutako faktura bila.


2019-02-27 | ARGIA
Kataluniako independentistek epaiketaren lehen zatia irabazita, lekukoen txanda hasi da Madrilen

Kataluniako buruzagi independentisten aurkako epaiketaren lehen faseak akusatuen aldeko argazkia utzi du. Asteartean amaitu ziren auzipetutakoen deklarazioak Carme Forcadell Kataluniako palamentuko presidente ohiaren eta Jordi Cuixart Òmnium Cultural erakundeko presidentearenak.


Katalunia, itzaltzen ari den prozesu baten kronika

Guztiak du hasiera bat eta amaiera bat. Bizitza bera, bere osotasunean, definitzen duen prozesu bat da hau. Prozesu berdina ikus dezakegu bizitza politikoari dagokionez.


2019-02-21 | ARGIA
Greba orokorra Katalunian

Independentzia prozesuaren kontrako epaiketa salatzeko, greba eguna egiten ari dira ostegun honetan Katalunian. Prozesu independentistari lotutako hirugarren greba orokorra da, CSC Intersindikalak deituta. Lehenengo orduetatik, hainbat errepide moztu dituzte CDRek, AP-7a eta C-58ª kasu. Garraioa, hezkuntza eta merkataritza sektoreetan izango du eragin handiena grebak.


Azkenak
EGILEA
Eguneraketa berriak daude