Buruzagi independentistak ostiral honetan eman du ezagutzera Junts per Catalunya manifestua eta bertan adierazten da alderdi berria sortuko dela soberanismoaren hainbat adar biltzen saiatzeko eta Espainiarekiko konfrontazioa bilatuko duena independentzia lortzeko.
Manifestuan esaten denez, independentzia prozesuak ez du atzera biderik eta dagoeneko ez da posible Espainiaren erreforma bultzatzea Kataluniatik. Horregatik, egungo Junts Per Cat mugimendu politikoa oinarri, Kataluniako mugimendu soberanistaren hainbat tradizio biltzea helburu duen alderdi politikoa sortuko dute, Vilaweb-ek jakinarazi duenez.
Jordi Turull, Josep Rull, Quim Forn eta Jordi Sànchez preso politikoek bat egiten dute manifestuarekin, eta baita herbestean diren Lluís Puig, Damiá Calvet eta Meritxell Budók ere. Toni Comín eta Josep Andreu ERCko buruzagi ohiak ere bat datoz egitasmoarekin.
Proiektua aspaldi dago mahaiaren gainean, baina PDCATen barruan izandako eztabaida prozesuak eta negoziazio saioek haren azaleratzera atzeratu dute. Turull, Forn eta Sanchez presoak aritu dira bitartekari lanetan alderdiarekin, baina honek hauteskunde zerrenden %50 eta zuzendaritzaren %50 nahi zituen alderdi berrian integratzeko, eta azkenean akordioa ez da posible izan. Puigdemonten jarraitzailek nahi dute PDCAT besterik gabe integratzea indar berrian.
Uztailaren 25ean alderdi gisa eratu ondoren, oraindik deitu gabe diren hauteskundeetarako zerrenda egiten hastea izango da alderdi berriaren lehen zereginetakoa.
Ens comprometem a fer de Junts per Catalunya una eina transversal, plural i eficaç al servei de la república catalana i de les persones. T’esperem el dia 25 per començar a caminar junts. #Jotambéhiseré pic.twitter.com/ut4SwT4B9t
— Carles Puigdemont (@KRLS) July 2, 2020
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]