Frantziako Estatuko iparraldean, Calais eta Dunkerke herrien inguruan dauden migratzaileen kanpalekuetan, Covid-19 kasuak ugaritzen ari dira. Lanean dabiltzan laguntza taldeek salatu dute kolektibo horiek are eta zaurgarriagoak direla, ez dutelako prebentziorako baliabiderik eta lehendik ere beraien osasuna eta baldintzak txarrak direlako.
Europara datozen errefuxiatuen kanpalekuetan koronabirusa zabaltzearen beldur dira momentu honetan nazioarteko erakunde eta bestelako laguntza taldeak. Greziako Lesboseko kasuak aipatu izan dira sarritan, baina gertuago, Frantziako iparraldeko Calaisen ere, antzeko egoerak bizitzen ari dira.
1.000 lagunetik gora daude momentu honetan Calaisen kanpalekuetan pilatuta. Frantziako Gobernuak ezarritako derrigorrezko konfinamenduak haien egoera zaildu besterik ez du egin, laguntza talde gutxi iritsi baitaiteke jadanik beraiengana. The Guardian egunkariak oraindik kanpalekuetan ari den GKE horietako batekin hitz egin du. Care4Calais-eko kideek britainiar prentsari azaldu diotenez, koronabirus kasuek gora egin dute: "Nahiz eta oraindik kasu gutxi diren, ez dago hedapena gelditzerik egoera ikaragarri hauetan".
Joan den astean hiru lagunek zituzten birusak eragindako sintomak, baina egun gutxira bederatzi ziren. Beldur dira kasuak esponentzialki ez ote diren igoko hemendik aurrera. Migratzaileek ezin dituzte gainerako hiritarren prebentzio eta babes neurriak hartu, kanpalekuek azpiegitura eta osasun baldintza oso eskasak baitituzte: "Uste dugu haietakoren erdia infektatu daitekeela datozen lau asteetan".
Haien zaurgarritasuna areagotzen duen beste faktore bat ere badago: estres kronikoa. Orain arte bizi izandako egoera txarren ondorioz, migratzaile askoren sistema immunea asko kaskartu da.
Dunkerke eta Calaisko Udalak pertsona horiek beste egoitza batzuetara garraiatzen hasi ziren joan den astean, baina The Guardianen arabera 80 inguru baizik ez dituzte eraman oraindik, eta bi udalerrietako kanpalekuetan 1.500 geratzen direla uste dute. Hala ere, GKE-ek salatu dute egoitzetan 500 lagunentzako tokia besterik ez dagoela.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]