ARGIA.eus

2021eko uztailaren 28a

PPko 9 kide erreferendumaren alde Katalunian... bozketan nahasi ondoren

  • Oker txiki bat: Enric Millo PPko parlamentariak ezetz bozkatzeko esan nahi zien taldeko kideei, baina hanka sartu eta alderdiko bederatzi lagunek azaroko erreferendumaren alde bozkatu zuten.

ARGIA @argia
2014ko otsailaren 28a
Kataluniako Parlamentuan PPko kideak hizketan. Argazkia: Vilaweb.

Zehazki hauxe da nahasi diren PPko parlamentariek onartu dutena: “Kataluniak aske eta demokratikoki zehaztu dezala bere etorkizuna kontsultaren bidez”.

CUP, CiU, ERC, ICV-EUiA alderdiek aldeko boza eman zuten, PSCko 18 parlamentariek ez zuten bozik eman nahi izan eta proposamenaren kontra egin zuten Ciutadanseko denek eta PPko zortzik.

Ustekabean, beraz, Kataluniako Parlamentuaren bi herenek bozkatu dute kontsultaren alde. Gertakariak umorezko erreakzioak eragin ditu baina baita tentsioa ere. Vilaweb atari kataluniarrak jaso ditu iritzi horietako batzuk.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Katalunia independentziarantz  |  PP

Katalunia independentziarantz kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude